అశ్విన్​ ఆడితే ప్రపంచకప్ భారత్​​దే!

2011 ప్రపంచకప్​లో తక్కువ మ్యాచ్​లు ఆడటమై నిరాశ చెందిన స్పిన్నర్ అశ్విన్.. భారత్​ తరఫున మరో వరల్డ్​కప్​నకు ప్రాతినిధ్యం వహించాలని కోరుకుంటున్నట్లు తెలిపాడు.

2011 ప్రపంచకప్​లో తాను ఎక్కువ మ్యాచ్​లు ఆటటం వీలుకాలేదని టీమ్​ఇండియా ఆఫ్​ స్పిన్నర్​ రవిచంద్రన్​ అశ్విన్ అన్నాడు. మరోవైపు హర్భజన్​ సింగ్​ కూడా జట్టులో ఉండటం వల్ల.. బ్యాలెన్స్​ చేయడం కష్టమైందని పేర్కొన్నాడు. ఈ మెగా ఈవెంట్​లో తమిళనాడు క్రికెటర్​ కేవలం రెండు మ్యాచ్​ల్లోనే ఆడాల్సి వచ్చింది. ఇటీవలే ఓ స్పోర్ట్స్​ ఛానెల్​తో ఫేస్​బుక్​ లైవ్​చాట్​లో మాట్లాడుతూ.. ప్రపంచకప్​ అనుభవాలను పంచుకున్నాడు. ​

"2011 ప్రపంచకప్​ చాలా బాగా గుర్తుంది. ఎక్కువ మ్యాచ్​లు ఆడలేకపోయాను. జట్టులో హర్భజన్ ఉండటం వల్ల నాకు అవకాశం రాకుండా పోయింది. అయితే ఇప్పుడు టీమ్​ఇండియా తరఫున మరో వరల్డ్​కప్ ఆడాలని ఉంది. నాకే కాదు ప్రతి క్రికెటర్ ఇలానే అనుకుంటాడు. నాతో చాలా మంది అన్నారు. నేను జట్టులో ఆడితే భారత్ ప్రపంచకప్ గెలుస్తుందని చెప్పారు"

-అశ్విన్​, టీమ్​ఇండియా బౌలర్​

కెరీర్​ మొత్తంలో 71 టెస్టులు, 111 వన్డేలు, 46 టీ20లు ఆడిన అశ్విన్.. వరుసగా 365, 150, 52 వికెట్లు తీశాడు. ఐపీఎల్​లోనూ చెన్నై, పంజాబ్ జట్ల తరఫున 139 మ్యాచ్​లు ఆడిన ఈ బౌలర్.. 125 వికెట్లు పడగొట్టాడు.