అంతర్జాతీయ క్రికెట్‌కు రిటైర్మెంట్ ప్రకటించిన కొద్ది రోజుల్లోనే వెనక్కు తీసుకుని ఆశ్చర్యపరిచాడు తెలుగు ఆటగాడు అంబటి రాయుడు. తాను మళ్లీ క్రికెట్‌ ఆడతానంటూ హెచ్‌సీఏకు లేఖ రాశాడీ ఆటగాడు. సానుకూలంగా స్పందించిన హెచ్సీఏ త్వరలో జరగనున్న విజయ్ హజారే ట్రోఫీలో హైదరాబాద్ జట్టుకు కెప్టెన్గా రాయుడిని నియమించింది.
రిటైర్మెంట్ ప్రకటించిన కొద్ది రోజులకు తనకు క్రికెట్‌పై ఆసక్తి తగ్గలేదంటూ.. హెచ్‌సీఏకు లేఖ రాశాడు రాయుడు. తాను మళ్లీ క్రికెట్‌ ఆడటానికి అనుమతి ఇవ్వాలని కోరాడు. తనకు అండగా నిలిచిన వీవీఎస్‌ లక్ష్మణ్‌, నోయల్‌ డేవిడ్‌లకు కృతజ్ఞతలు తెలిపాడు.