పాక్​ జట్టు చీఫ్​ సెలక్టర్​గా​ అక్తర్​?

పాకిస్థాన్ చీఫ్​ సెలక్టర్​గా​ మాజీ క్రికెటర్ అక్తర్ నియమితుడయ్యే అవకాశముంది. ఈ విషయమై అతడి చర్చలు కూడా జరిపిందట పాక్ బోర్డు.

పాకిస్థాన్​ జట్టు చీఫ్​ సెలక్టర్ పదవి నుంచి మిస్బావుల్ హక్​ను తప్పించాలని ఆ దేశ బోర్డు భావిస్తోంది. సీనియర్​ క్రికెటర్​ షోయబ్​ అక్తర్​ను ఆ స్థానంలో నియమించాలని చూస్తోందని సమాచారం. ఇందుకోసం ప్లాన్ కూడా సిద్ధం చేసిందట. ఈ విషయాన్ని అక్తర్​ స్వయంగా వెల్లడించాడు. బోర్డుకు తనకు మధ్య చర్చలు జరిగినట్లు తెలిపాడు. తుది నిర్ణయం మాత్రం పీసీబీ తనతో చెప్పలేదని అన్నాడు. అయితే పాక్​ క్రికెట్​లో కీలక పాత్ర పోషించేందుకు​, ఈ పదవి కోసం​ ఎంతో ఆసక్తిగా ఎదురుచూస్తునట్లు చెప్పాడు అక్తర్. బాధ్యతను అప్పగిస్తే చక్కని ఫలితాన్ని చూపిస్తానని అన్నాడు.

ప్రస్తుతం చీఫ్​ సెలక్టర్​తో పాటు హెడ్​ కోచ్​గానూ బాధ్యతలు నిర్వర్తిస్తున్నాడు మిస్బావుల్ హక్​. ఇటీవల కాలంలో జట్టు ఘోరంగావ విఫలమవుతున్న నేపథ్యంలో ఆ పదవి నుంచి అతడిని తప్పించి అక్తర్​కు నియమించాలని పీసీబీ అనుకుంటోంది.

ఇదీ చూడండి ఐపీఎల్2020: సన్​రైజర్స్ బలాలు, బలహీనతలు ఇవే!