యువరాజ్​ సింగ్​కు చాలా ఇష్టమైన షాట్ ఇదే

కెరీర్​ మొత్తంలో తనకిష్టమైన క్రికెట్ షాట్ ఇదేనంటూ ఓ వీడియోను పోస్ట్ చేశాడు మాజీ క్రికెటర్ యువరాజ్ సింగ్. దీనిపై పలువురు క్రికెటర్లు కామెంట్లు చేస్తున్నారు.

టీమిండియా మాజీ క్రికెటర్ యువరాజ్ సింగ్.. తనకిష్టమైన క్రికెట్ షాట్​కు సంబంధించిన వీడియోను ఇన్​స్టాలో పోస్ట్ చేశాడు. ఐపీఎల్​లో హైదరాబాద్​ తరఫున ఆడుతూ​ కోల్​కతాపై కవర్స్​ వైపు సిక్స్​ కొడుతూ ఇందులో కనిపించాడు యువీ. "ఫాస్ట్​ బౌలింగ్​లో కవర్స్​ దిశగా​ సిక్స్ బాదటం చాలా కష్టం. కానీ నేను కొట్టాను. నా మొత్తం కెరీర్​లోనే అత్యంత్య ఇష్టమైన షాట్ ఇది" అని రాసుకొచ్చాడు.

ఈ వీడియోపై స్పందించిన టీమిండియా మాజీ బౌలర్​ ప్రవీణ్​ కుమార్ "క్లాస్​ విత్​ పవర్"​ అంటూ అభివర్ణించాడు. ఇతడితో పాటే మాజీ క్రికెటర్లు హర్భజన్​ సింగ్​, శిఖర్​ ధావన్​.. యువరాజ్​ను అభినందించారు.

టీమిండియా.. 2011 ప్రపంచకప్​ నెగ్గడంలో కీలక పాత్ర పోషించాడు మాజీ క్రికెటర్​ యువరాజ్​ సింగ్​. ఆ టోర్నీ ఆసాంతం అదరగొట్టి, 362 పరుగులు చేయడం సహా 15 వికెట్లు తీశాడు. కెరీర్​ మొత్తంలో భారత్​ తరఫున 304 వన్డేలు, 58 టీ20లు, 40 టెస్టులు ఆడి, గతేడాది అంతర్జాతీయ క్రికెట్​కు వీడ్కోలు పలికాడు.

ఇదీ చూడండి : పూల చొక్క వేసుకుని, మాస్​ పాటకు వార్నర్ డ్యాన్స్