ప్రస్తుత ఫామ్ దృష్ట్యా ప్రపంచకప్నుఇంగ్లాండ్ గెలిచే అవకాశాలు ఎక్కువగా ఉన్నాయని ఆస్ట్రేలియా బౌలింగ్ దిగ్గజం మెక్గ్రాత్ అభిప్రాయపడ్డాడు. ఆసీస్ ఫైనల్ వరకు వెళ్తుందని అంచనా వేశాడు.
వన్డేల్లో మోర్గాన్ సారథ్యంలోని ఇంగ్లాండ్, కోహ్లీ సారథ్యంలోని భారత్ మంచి ప్రదర్శన చేస్తున్నాయని తెలిపాడు మెక్గ్రాత్. అన్ని జట్లు మొదటి 15, చివరి 15 ఓవర్లలో ఎక్కువ పరుగులు సాధించడానికి ప్రయత్నిస్తాయని.. కానీ 50 ఓవర్లూ పూర్తి ఆధిపత్యం ప్రదర్శించగల సత్తా ఇంగ్లాండ్, భారత్ జట్లకు ఉందని అన్నాడు.
"ప్రస్తుత జట్లను చూస్తే ఇంగ్లాండ్ మంచి ఫామ్లో ఉంది. భారీ స్కోర్లు సాధిస్తోంది. సొంత మైదానాల్లో ఆడటం వారికి కలిసొచ్చే అంశం. ఆసీస్ కూడా మంచి ప్రదర్శన చేస్తుందని ఆశిస్తున్నా. ఫించ్ సారథ్యంలోని కంగారూ జట్టు ఫైనల్ వరకు వెళ్లొచ్చు".
- మెక్గ్రాత్, ఆస్ట్రేలియా మాజీ పేసర్
దక్షిణాఫ్రికా మంచి జట్టని తెలిపిన మెక్గ్రాత్.. వెస్టిండీస్, పాకిస్థాన్ తమదైన రోజున సత్తాచాటగలవని స్పష్టం చేశాడు. ఆ జట్లకు స్థిరత్వం లోపించడం పెద్ద సమస్యని అన్నాడు. ఇంగ్లాండ్, భారత్ బలమైన జట్లుగా బరిలో దిగుతున్నాయని వ్యాఖ్యానించాడీ మాజీ ఫాస్ట్ బౌలర్.
