Babar Azam: మార్చి నెలకు గానూ ఐసీసీ 'ప్లేయర్ ఆఫ్ ది మంత్'గా ఎంపికయ్యాడు పాకిస్థాన్ సారథి బాబర్ అజామ్. ఆస్ట్రేలియాపై భిన్న ఫార్మాట్ల సిరీస్లో అద్భుత బ్యాటింగ్ నైపుణ్యాలను ప్రదర్శించి ఈ గౌరవాన్ని పొందాడు బాబర్. మహిళా క్రికెటర్లలో ఆస్ట్రేలియా ఓపెనర్ రాచెల్ హేన్స్ ఈ అవార్డును దక్కించుకుంది.
పాక్ కెప్టెన్ అరుదైన ఘనత.. రెండోసారి ఆ గౌరవం.. - బాబర్ అజామ్
Babar Azam: పాకిస్థాన్ కెప్టెన్ బాబర్ అజామ్ మరో ఘనత సాధించాడు. మార్చి నెలకు గానూ ఐసీసీ 'ప్లేయర్ ఆఫ్ ది మంత్'గా నిలిచాడు బాబర్. దీంతో ఈ గౌరవాన్ని రెండు సార్లు దక్కించుకున్న తొలి క్రికెటర్గా గుర్తింపు సొంతం చేసుకున్నాడు.
Babar Azam
ఆసీస్పై జరిగిన మూడు మ్యాచ్ల టెస్ట్ సిరీస్లో 390 పరుగులు చేశాడు బాబర్. రెండో టెస్టులో తన రికార్డును తిరగరాస్తూ.. 196 పరుగులు చేశాడు. దీంతో ఆ టెస్టును డ్రాగా ముగించింది పాక్. ఈ క్రమంలోనే వెస్టిండీస్కు చెందిన బ్రాత్వైట్, ఆస్ట్రేలియా ప్యాన్ కమిన్స్తో పోటీ పడి 'ప్లేయర్ ఆఫ్ ది మంత్'గా నిలిచాడు బాబర్. 2021 ఏప్రిల్లోనూ ఈ అవార్డు అందుకున్న బాబర్.. రెండు సార్లు ఈ గౌరవాన్ని దక్కించుకున్న తొలి ప్లేయర్గా ఘనత సాధించాడు.
ఇదీ చూడండి:సచిన్నే వెనక్కినెట్టిన పాక్ క్రికెటర్.. కోహ్లీ కంటే వెనకే!