పాకిస్థాన్ పర్యటనకు వెళ్లేందుకు అంగీకారం తెలిపింది ఆస్ట్రేలియా క్రికెట్ బోర్డు. ఈ పర్యటనలో మూడేసి టెస్టు, వన్డేలు, ఒక టీ20 జరగనున్నాయి. 1998 తర్వాత ఆసీస్.. పాక్ పర్యటనకు వెళ్లడం ఇదే తొలిసారి కావడం విశేషం.
1998లో చివరిసాగిరా పాక్లో పర్యటించింది ఆస్ట్రేలియా. ఈ టూర్లో జరిగిన మూడేసి టెస్టు, వన్డేల్లో ఆస్ట్రేలియా విజయం సాధించింది. ఆ తర్వాత చాలాసార్లు పర్యటనలు ఖరారైనా.. వివిధ కారాణాలతో రద్దవుతూ వచ్చాయి.
ఇంగ్లాండ్, న్యూజిలాండ్ రద్దు చేసుకోగా..
పాకిస్థాన్లో భద్రతా సమస్యల కారణంగా చాలాకాలంగా అగ్రదేశాలు ఆ దేశంలో టోర్నీలు ఆడేందుకు ఆసక్తి చూపడం లేదు. కానీ కొంతకాలంగా అక్కడి పరిస్థితులు దారికొచ్చినట్లు కనిపించిన నేపథ్యంలో శ్రీలంక, జింబాబ్వే, దక్షిణాఫ్రికా.. పాక్లో పర్యటించాయి. ఆ తర్వాత పాకిస్థాన్ సూపర్ లీగ్ కూడా ఎలాంటి అవాంతరాలు లేకుండా జరగడం వల్ల ఇంగ్లాండ్, న్యూజిలాండ్ లాంటి జట్లు పాక్లో సిరీస్లు ఖరారు చేసుకున్నాయి. పాక్ పర్యటనకు వెళ్లి కొద్ది నిమిషాల్లో టాస్ పడుతుందనగా.. ఈ పర్యటన నుంచి వైదొలిగి పీసీబీకి గట్టి షాకిచ్చింది కివీస్. ఆ తర్వాత ఇంగ్లాండ్ కూడా తమ పాక్ పర్యటనను రద్దు చేసుకుంది. ఈ సిరీస్లపై ఇప్పటివరకు స్పష్టత రాకపోగా.. ఆసీస్ మాత్రం పాక్లో పర్యటించేందుకు ముందుకొచ్చింది.
షెడ్యూల్
మార్చి 3-7 : తొలి టెస్టు, కరాచీ