Asia Cup 2023 IND VS PAK :హమ్మయ్యా.. ఎట్టకేలకు వరుణ దేవుడు అడ్డుపడకుండా భారత్-పాక్ మ్యాచ్ పూర్తయ్యేలా సహకరించాడు. ఆసియాకప్సూపర్ ఫోర్లో భాగంగా ఈ రెండు జట్ల మధ్య జరిగిన మ్యాచ్లో పాకిస్థాన్పై టీమ్ఇండియా అద్భుత విజయం సాధించింది. సమష్టి కృష్టితో ఫామ్లో ఉన్న పాక్ జట్టును తక్కువ స్కోరుకే మట్టికరిపించింది. భారత్ జట్టు నిర్దేశించిన 357 పరుగుల లక్ష్యాన్ని దాయాది జట్టు ఛేదించలేకపోయింది. 32 ఓవర్లో 8 వికెట్లు కోల్పోయి 128 పరుగులు చేసింది. పాకిస్థాన్ బ్యాటర్లలో ఇద్దరు గాయపడడంతో వాళ్లు బ్యాటింగ్కు రాలేదు. దీంతో పాకిస్థాన్ ను ఆలౌట్ గా పరిగణించి టీమ్ఇండియాను విజేతగా ప్రకటించారు. కుల్దీప్ యాదవ్(5/25), శార్దూల్, హార్దిక్, బుమ్రా తలో వికెట్ తీశారు. సూపర్ ఇన్నింగ్‌తో విజృంభించిన కోహ్లీకి ప్లేయర్‌ ఆఫ్‌ ది మ్యాచ్ అవార్డు వరించింది. ఈ విజయంతో సూపర్ -4 పాయింట్ల పట్టికలో టీమ్ ఇండియా అగ్రస్థానంలోకి దూసుకెళ్లింది. ఇక మంగళవారమే(సెప్టెంబర్ 12) శ్రీలంకతో ఇదే స్టేడియంలో మరో పోరు టీమ్ఇండియా ఆడనుంది.
IND VS PAK kuldeep wickets : కుల్దీప్ పాంచ్ పటాకా... భారత్ నిర్దేశించిన 357 పరుగుల భారీ లక్ష్యంతో బరిలోకి దిగిన పాకిస్థాన్ కు మంచి శుభారంభం దక్కలేదు. భారత పేసర్ బుమ్రా ఆదిలోనే దెబ్బకొట్టాడు. ఇమామ్‌ (9*) వికెట్ తీసి బోణీ కొట్టాడు. ఇక ఆ తర్వాత క్రీజులోకి వచ్చిన బ్యాటర్లు ఎవరినీ భారత బౌలర్లు కుదురుకోనీయలేదు. ఫఖర్ జమాన్ (27), అఘా సల్మా్‌న్ (23), ఇఫ్తికార్‌ అహ్మద్ (23) మాత్రం కాస్త పరుగులు చేసేందుకు ప్రయత్నించారు. వీరు కూడా ఈ మాత్రం చేయకపోతే పాక్ పరిస్థితి మరింత దారుణంగా మారేది. పాక్ బ్యాటర్లందరూ చేతులేత్తేయడానికి కారణం కుల్దీప్ యాదవే (5/25). పాండ్య, బుమ్రా, ఠాకూర్‌తో కలిసి పాక్ టాప్ ఆర్డర్ ను కూల్చేశాడు. కుల్దీప్ దెబ్బకు పాక్ బ్యాటర్లెవ్వరూ క్రీజ్‌లో ఉండలేకపోయారు.