భారత బ్యాడ్మింటన్ ఆటగాడు కిదాంబి శ్రీకాంత్ 17 నెలల నిరీక్షణకు తెరపడింది. ఇండియా ఓపెన్ ఫైనల్లోకి ఈ తెలుగుతేజం అడుగుపెట్టాడు. శనివారం జరిగిన సెమీస్లో చైనాకు చెందిన హుయాంగ్ను 14-21, 21-16, 21-19 తేడాతో ఓడించాడు. విక్టర్ అక్సెల్సన్- పారుపల్లి కశ్యప్ల మధ్య జరిగే మరో సెమీస్ విజేతతో తుదిపోరులో తలపడనున్నాడు శ్రీకాంత్.
17నెలల నిరీక్షణకు తెర- ఫైనల్కు కిదాంబి
భారత షట్లర్ కిదాంబి శ్రీకాంత్ ఇండియా ఓపెన్ ఫైనల్లో అడుగుపెట్టాడు. సెమీఫైనల్లో చైనా ఆటగాడు హుయాంగ్ను ఓడించి తుదిపోరుకు అర్హత సాధించాడు.
కిదాంబి శ్రీకాంత్
"నేను ఫైనల్ ఆడి చాలా రోజులైంది. ప్రస్తుతం తుదిపోరుకు వెళ్లడం ఆనందంగా ఉంది. మొదటి సెట్ ఓడిపోయినప్పటికీ రెండో సెట్ నుంచి పుంజుకున్నాను"
--కిదాంబి శ్రీకాంత్, భారత షట్లర్
శ్రీకాంత్ చివరగా 2017 అక్టోబర్లో ఫ్రెంచ్ ఓపెన్ ఫైనల్ ఆడాడు. ఆ ట్రోఫీ నెగ్గిన తర్వాత ఇప్పుడే ఫైనల్లో ప్రవేశించాడు. గతేడాది కామన్వెల్త్ గేమ్స్లో తుదిపోరుకు అర్హత సాధించినప్పటికీ.. ప్రపంచ బ్యాడ్మింటన్ ఫెడరేషన్(బీడబ్ల్యూఎఫ్) నిర్వహించే సూపర్ సిరీస్లలో.. ఫైనల్ చేరడం 17 నెలల తర్వాత ఇదే తొలిసారి.