ఆస్ట్రేలియన్ ఓపెన్​లో భారత షట్లర్లకు నిరాశ

సిడ్నీలో జరుగుతున్న ఆస్ట్రేలియన్ ఓపెన్​లో భారత షట్లర్లు నిరాశ పరిచారు. సింధు, సమీర్ వర్మ, సాయి ప్రణీత్​ ఓటమి పాలయ్యారు. పురుషుల డబుల్స్​ విభాగంలో చిరాగ్ - సాత్విక్... చైనా ద్వయం చేతిలో పరాజయం చెందింది.

ఆస్ట్రేలియన్ ఓపెన్​లో భారత షట్లర్లకు నిరాశే ఎదురైంది. రెండో రౌండ్​లో సింధు, సమీర్​ వర్మ ఇంటిముఖం పట్టారు. మహిళల సింగిల్స్​ విభాగంలో థాయ్​లాండ్​కు చెందిన నిచావ్ చేతిలో సింధు ఓడిపోయింది. పురుషుల విభాగంలో చైనీస్ తైపీకి చెందిన వాంగ్ జూ వీ చేతిలో కంగుతిన్నాడు సమీర్​.

ఐదో స్థానంలో ఉన్న సింధు 29వ ర్యాంకర్ నిచావ్​పై ఓడింది. 19-21, 18-21 తేడాతో వరుస సెట్లలో పరాజయం చెందింది. వీరిద్దరూ ఏడు సార్లు ముఖాముఖి తలపడగా సింధు ఓడడం ఇది రెండోసారి.

పురుషుల సింగిల్స్​లో సమీర్​వర్మ.. వాంగ్ జూ వీ చేతిలో 16-21, 21-7, 13-21 తేడాతో ఓటమి పాలయ్యాడు.

మరో భారత షట్లర్ సాయి ప్రణీత్​కు, ఇండోనేషియా ప్లేయర్ ఆంథోనీకి మధ్య జరిగిన ఉత్కంఠపోరులో ఇండోనేషియా క్రీడాకారుడే గెలిచాడు.

భారత పురుషుల డబుల్స్​ జోడి చిరాగ్ - సాత్విక్ చైనా ద్వయం లీజ్ జున్హీ- లియూ యూచెన్​పై ఓడిపోయింది. 19-21, 18-21 తేడాతో వరుస సెట్లలో పరాజయం చెందింది.