బ్యాడ్మింటన్ తాజా ర్యాంకింగ్స్లో భారత షట్లర్లు మిశ్రమ ఫలితాలు అందుకున్నారు. పురుషుల సింగిల్స్ విభాగంలో సాయి ప్రణీత్ ఓ స్థానం మెరుగుపరుచుకొని కెరీర్ బెస్ట్ 11వ ర్యాంకులో నిలిచాడు. మహిళల సింగిల్స్ విభాగంలో పీవీ సింధు ఆరో స్థానంలో కొనసాగుతోంది.
మరో షట్లర్ కిదాంబి శ్రీకాంత్ ఒక స్థానం చేజార్చుకుని 10వ ర్యాంకులో నిలిచాడు. సమీర్ వర్మ కూడా ఓ స్థానం కోల్పోయి 18వ స్థానానికి చేరాడు. పురుషుల జాబితాలో కెంటో మెమోటా(జపాన్) అగ్రస్థానంలో ఉన్నాడు.