థాయ్లాండ్ ఓపెన్లో భారత మిక్స్డ్ డబుల్స్ జోడీ.. రికార్డు విజయాన్ని అందుకుంది. ఈ రోజు జరిగిన తొలి రౌండ్లో ఒలింపిక్ పతక విజేతయిన చెన్ పెంగ్ సూన్ - గో లియు ఇంగ్ ద్వయాన్ని అశ్విని పొన్నప్ప - సాత్విక్ జోడి ఓడించింది.
గంటకు పైగా సాగిన ఈ మ్యాచ్లో మలేసియాకు చెందిన ఐదో సీడ్ సూన్ - ఇంగ్ జోడిపై గెలిచింది అశ్విని - సాత్విక్ ద్వయం. 21-18, 18-21, 21-17 తేడాతో విజయం సాధించింది. మలేసియా జోడిపై గెలవడం వీరికిది రెండోసారి మాత్రమే. ఇంతకుముందు కామన్వెల్త్ క్రీడల్లో ఓడించారు.
ఐదో సీడ్ కిదాంబి శ్రీకాంత్ చైనాకు చెందిన రెన్ పెంగ్పై విజయం సాధించి రెండో రౌండ్కు చేరుకున్నాడు. 21-13, 17-21, 21-19 తేడాతో గెలుపొందాడు. రెండో రౌండ్లో థాయ్లాండ్ క్రీడాకారుడు హొసిట్ ఫెట్ప్రదాబ్తో పోటీ పడనున్నాడు.
మరో షట్లర్ సౌరభ్ చౌదరీ 21-23, 21-19, 5-21 తేడాతో జపాన్కు చెందిన సునేయామా చేతిలో ఓడాడు. మహిళల సింగిల్స్లో సాయి ఉత్తేజిత రావు తొలి రౌండ్లోనే ఇంటిముఖం పట్టింది. చైనాకు చెందిన చెన్ జియో జిన్ చేతిలో 17-21, 7-21 తేడాతో పరాజయం పాలైంది.
ఇది చదవండి: జోఫ్రా జోస్యం మళ్లీ నిజమైంది..!