మధురై దివ్యాంగురాలికి ఒకే టోర్నీలో 3 పతకాలు

ఇంటర్నేషనల్ యూత్ డెఫ్ ఛాంపియన్​షిప్​లో తమిళనాడుకు చెందిన జెర్లిన్ అనికా సత్తాచాటింది. ఓ స్వర్ణంతో పాటు రెండు రజతాలు సొంతం చేసుకుంది. భవిష్యత్తులో మరిన్ని పతకాలు సాధిస్తుందని తల్లిదండ్రులు విశ్వాసం వ్యక్తం చేశారు.

తైపీలో జరుగుతున్న ఇంటర్నేషనల్​ డెఫ్ యూత్ బ్యాడ్మింటన్ ఛాంపియన్​షిప్​లో మధురై బాలిక సత్తాచాటింది. 16 ఏళ్ల జెర్లిన్ అనికా ఓ స్వర్ణంతో పాటు రెండు రజతాలు తన ఖాతాలో వేసుకుంది. సింగిల్స్ విభాగంలో జర్మనీకి చెందిన ఫినిజాపై పసిడి గెలిచింది. డబుల్స్,​ మిక్స్​డ్ డబుల్స్​ విభాగంలో రెండు వెండి పతకాలు సొంతం చేసుకుంది.

27 దేశాలకుపైగా పాల్గొన్న ఈ టోర్నమెంట్లో దాదాపు 200 మంది క్రీడాకారులు పోటీపడ్డారు. జులై 11 మొదలైన ఈ పోటీలు 22 వరకు జరగనున్నాయి.

ఇంతకుముందు మలేసియాలో జరిగిన ఆసియా - పసిఫిక్ టోర్నీలో అనికా పతకాలు సాధించిందని ఆమె తల్లిదండ్రులు చెబుతున్నారు. 2021 డెఫ్​ ఒలింపిక్స్​లో తప్పకుండా మెడల్ తీసుకొస్తుందని విశ్వాసం వ్యక్తం చేస్తున్నారు.

ఇది చదవండి:అంతర్జాతీయ షూటింగ్ పోటీలకు వేదికగా దిల్లీ