చైనా ఓపెన్కు దూరంగా ఉన్న భారత స్టార్ షట్లర్ కిదాంబి శ్రీకాంత్.. హాంకాంగ్ ఓపెన్లో సత్తాచాటుతున్నాడు. పురుషుల సింగిల్స్ విభాగం రెండో రౌండ్లో మన దేశానికే చెందిన సౌరభ్ వర్మపై నెగ్గి క్వార్టర్ ఫైనల్కు చేరాడు.
శ్రీకాంత్..21-11, 15-21, 21-19 తేడాతో సౌరభ్పై గెలిచాడు. తొలి సెట్లో సునాయాసంగా నెగ్గిన ఈ షట్లర్.. రెండో గేమ్లో పరాజయం పాలయ్యాడు. నిర్ణయాత్మక మూడో సెట్లో ఇద్దరూ హోరాహోరీగా పోరాడారు. చివరికి విజయం శ్రీకాంత్నే వరించింది.