థాయ్లాండ్ ఓపెన్లో డబుల్స్ టైటిల్ దక్కించుకుని చరిత్ర సృష్టించిన భారత యువ జోడీ సాత్విక్ సాయిరాజు-చిరాగ్శెట్టి.. తాజా ప్రపంచ బ్యాడ్మింటన్(బీడబ్ల్యూఎఫ్) ర్యాంకింగ్స్లో సత్తాచాటారు. మంగళవారం విడుదలైన ఈ జాబితాలో వీరిద్దరి జోడీ డబుల్స్‌లో ఏడో ర్యాంక్కు చేరుకుంది.
ఇటీవల చైనా ఓపెన్లో వీరిద్దరూ సెమీఫైనల్కు చేరడం వల్ల.. తొమ్మిదో స్థానం నుంచి కెరీర్ అత్యుత్తమ ర్యాంక్కు చేరుకున్నారు. టాప్-10లో నిలిచిన తొలి పురుషుల డబుల్స్ జోడీగా రికార్డులకెక్కారు. మొత్తంగా ఈ ఘనత సాధించిన మూడో జోడీగా నిలిచారు. వీరి ద్వయం కంటే ముందు గుత్తా జ్వాల-దిజు వలియవీటిల్, గుత్తా జ్వాల-అశ్వినీ పొన్నప్ప.. గతంలో టాప్-10లో చోటు దక్కించుకున్నారు.
ఈ ఏడాది అదుర్స్..
- ఈ ఏడాది థాయ్లాండ్ సూపర్ 500 టోర్నీలో విజేతలైన సాత్విక్-చిరాగ్... ఆ టోర్నీలో మాజీ ఛాంపియన్లు లీ జున్ హుయ్-యు చెన్(చైనా)లను ఓడించారు.
- సూపర్ 750 టోర్నీ... ఫ్రెంచ్ ఓపెన్లో ప్రపంచ నెం.6 జోడీ హిరోయికి-యుటా వటానబే జోడీకి చెక్ పెట్టారు. ప్రపంచ నెం.2 జోడీ హెండ్రా సెతియవన్-మహ్మద్ అహ్సన్(జపాన్)కు షాకిచ్చారు.
- ఇటీవల జరిగిన సూపర్ 750 టోర్నీ... చైనా ఓపెన్లో సెమీఫైనల్కు చేరి సంచలనం సృష్టించారు.