"తమ్ముడి నమ్మకం నిజమైంది"

వైవిధ్యమైన కథలను తెరకెక్కిస్తే ప్రేక్షకులు ఆదరిస్తారని హీరో కల్యాణ్​రామ్ అన్నారు. '118' సినిమాపై తమ్ముడు ఎన్టీఆర్​ పెట్టుకున్న నమ్మకం నిజమైందని అభిప్రాయపడ్డారు.

'118' చిత్రం పై తన సోదరుడు ఎన్టీఆర్ పెట్టుకున్న నమ్మకం నిజమైందని ఆ సినిమా కథానాయకుడు నందమూరి కళ్యాణ్ రామ్ ఆనందం వ్యక్తం చేశారు. ప్రముఖ ఛాయాగ్రాహకుడు గుహన్ దర్శకత్వంలో ప్రేక్షకుల ముందుకొచ్చిన '118' హిట్ టాక్ తెచ్చుకుంటోంది. ఈ సందర్భంగా హైదరాబాద్​లోని కళ్యాణ్ రామ్ కార్యాలయంలో చిత్రబృందం విజయోత్సవ సంబురాలు జరుపుకుంది. చిత్రాన్ని విజయవంతం చేసిన ప్రేక్షకులకు కృతజ్ఞతలు తెలిపింది.