ఇన్నేళ్ల తర్వాత ఆ హీరోయిన్​ షాకింగ్​ రీఎంట్రీ!

'ఆనందం' సినిమాతో తెలుగు ప్రేక్షకులను ఆకట్టుకున్న హీరోయిన్​ రేఖా వేదవ్యాస్(Rekha Vedavyas)​.. చాలా ఏళ్ల తర్వాత మళ్లీ తెలుగు ప్రేక్షకులను అలరించారు. ఈటీవీలో ప్రసారమవుతున్న 'శ్రీదేవీ డ్రామా కంపెనీ'(sridevi drama company) కార్యక్రమంలో పాల్గొన్న ఆమె.. తన డ్యాన్స్​ పెర్ఫార్మెన్స్(Rekha Vedavyas dance performance)​ ఆకట్టుకున్నారు. ఈ నేపథ్యంలో ఆమె టాలీవుడ్​ రీఎంట్రీకి సిద్ధమైనట్లు తెలుస్తోంది.

'ఆనందం' చిత్రంతో టాలీవుడ్​కు పరిచమైన హీరోయిన్​ రేఖా వేదవ్యాస్(Rekha Vedavyas)​.. ఆ తర్వాత 'ఒకటో నంబరు కుర్రాడు' సినిమాతో తెలుగు ప్రేక్షకులకు మరింత చేరువయ్యారు. ఆమె టాలీవుడ్​లో చివరిగా 2008లో విడుదలైన 'నిన్న నేడు రేపు' సినిమాలో నటించారు. మళ్లీ ఇన్నేళ్ల తర్వాత ఓ డ్యాన్స్​ పెర్ఫార్మెన్స్​ ద్వారా ఆమె తెలుగు ప్రేక్షకులను అలరించారు.

ఈటీవీలో ఆదివారం(జూన్​ 6) ప్రసారమైన 'శ్రీదేవీ డ్రామా కంపెనీ'(sridevi drama company) షోలో.. రేఖా వేదవ్యాస్​ స్పెషల్​ డ్యాన్స్​ పెర్ఫార్మెన్స్(Rekha Vedavyas dance performance)​​తో ఆకట్టుకున్నారు. ఆమె డ్యాన్స్ వీడియో ఇప్పుడు వైరల్​గా మారింది. రేఖ స్టెప్పులు ఫిదా అయ్యి నెటిజన్లు కామెంట్లు చేస్తున్నారు. అయితే ఇంతకుముందు ఆమె 'ఆలీతో సరదాగా' కార్యక్రమంలో పాల్గొన్నా.. ఇన్నేళ్ల తర్వాత రేఖ డ్యాన్స్​ చేయడం ఇదే తొలిసారి.

అయితే టాలీవుడ్​లో రీఎంట్రీ ఎప్పుడు ఇస్తారని రేఖా వేదవ్యాస్​ను వ్యాఖ్యాత సుడిగాలి సుధీర్​ ప్రశ్నించగా.. ఆమె అవునని పరోక్షంగా సమాధానమిచ్చారు. దీంతో ఆమె టాలీవుడ్​లో రీఎంట్రీ ఇవ్వనున్నారని స్పష్టమవుతోంది.

'ఆలీతో సరదాగా'లో రేఖ..

'శ్రీదేవీ డ్రామా కంపెనీ' షోలో డ్యాన్స్​ పెర్ఫార్మెన్స్​ కంటే ముందు గతేడాది 'ఆలీతో సరదాగా'(Alitho saradaga) కార్యక్రమంలో రేఖా వేదవ్యాస్​ పాల్గొన్నారు. ఆమె సినీ ప్రయాణంలోని విశేషాలతో పాటు వ్యక్తిగత విషయాలనూ పంచుకున్నారు. హీరోయిన్​గా కొనసాగుతున్న తొలినాళ్లలో డేట్ల సర్దుబాటు చేయలేక దర్శకుడు మణిరత్నం సినిమాను వదులుకున్నట్లు రేఖ తెలిపారు. ఆ సమయంలో తనను సలహాలు, సూచనలు ఇచ్చే మార్గనిర్దేశకులు లేకపోవడం వల్ల అలా అనేక అవకాశాలను చేజార్చుకున్నట్లు వెల్లడించారు. కానీ, ఇన్నేళ్ల తర్వాత తెలుగుతెరపై కనిపించాలని ఉందని ఆమె మనసులో మాట బయటపెట్టారు. అవకాశం ఇస్తే ఎలాంటి పాత్ర అయినా చేయడానికి తాను సిద్ధమని చెప్పారు.

ఐశ్వర్యరాయ్​ చెల్లిగా..

ఇండస్ట్రీలో తనను కొందరు ఐశ్వర్యరాయ్​ చెల్లెలిగా పిలిచేవారని రేఖ చెప్పారు. నటిగా కెరీర్​ ప్రారంభించిన మొదట్లో ఓ వ్యక్తి రక్తంతో లవ్​లెటర్ రాసి​ పంపిన విషయాన్ని గుర్తుచేసుకున్నారు. అంతే కాకుండా తొలి కన్నడ సినిమా విడుదల సమయంలో తెరపై ఆమె కనిపించగానే అభిమానులు డబ్బులు చల్లారని ఆమె తెలిపారు.

ఇదీ చూడండి:నాగ్​ మాటిచ్చి నిలబెట్టుకోలేదు : రేఖ