Yash KGF 2 movie trailer: దేశవ్యాప్తంగా సినీ అభిమానులు ఎంతో ఆసక్తిగా ఎదురుచూస్తున్న సినిమాల్లో 'కేజీఎఫ్ ఛాప్టర్‌ 2' ఒకటి. కన్నడ నటుడు యశ్ కథానాయకుడిగా విడుదలైన బ్లాక్‌బస్టర్‌ హిట్ చిత్రం 'కేజీఎఫ్-1'కు ఇది స్వీకెల్‌. వచ్చే నెల 14న ప్రపంచవ్యాప్తంగా థియేటర్లలో విడుదల కానుంది. ఈ నేపథ్యంలో ప్రమోషన్స్ను షురూ చేసిన చిత్రబృందం తాజాగా ట్రైలర్ లాంఛ్ ఈవెంట్ను బెంగళూరులో గ్రాండ్ నిర్వహించింది. ప్రస్తుతం జరుగుతున్న ఈ కార్యక్రమానికి కన్నడ స్టార్ శివరాజ్కుమార్ చీఫ్ గెస్ట్గా రాగా, బాలీవుడ్ ప్రముఖ నిర్మాత కరణ్ జోహార్ హోస్ట్గా వ్యవహరిస్తున్నారు. అయితే ఈ చిత్ర ప్రచార చిత్రాన్ని అన్ని భాషల్లోనూ విడుదల చేసింది చిత్రబృందం. తెలుగులో 'ఆర్ఆర్ఆర్' సూపర్హిట్ అందుకున్న మెగాహీరో రామ్చరణ్ దీన్ని రిలీజ్ చేశారు.
"రక్తంతో రాసిన కథ ఇది. సిరాతో ముందుకు తీసుకెళ్లాం. ముందుకు వెళ్లాలంటే మళ్లీ రక్తాన్నే అడుగుతోంది" అంటూ డైలాగ్స్తో ప్రారంభమైన ఈ ప్రచార చిత్రంలో "వైలెన్స్.. వైలెన్స్.. వైలెన్స్.. ఐ డోంట్ లైక్. ఐ ఎవాయిడ్. బట్ వైలెన్స్ లైక్స్ మి. ఐ కాంట్ ఎవాయిడ్", "నాకు ఎవ్వడి దోస్తి అక్కర్లేదు. నాతో దుస్మని ఎవరూ తట్టుకోలేరు." అంటూ యశ్, "చెప్పు వాళ్లకి వస్తున్నానని నా 'కేజీఎఫ్' పొందడానికి" అంటూ సంజయ్ దత్ చెప్పే పవర్ఫుల్ డైలాగ్స్తో ఈ ప్రచార చిత్రం ఆద్యంతం అదిరిపోయింది. విజువల్స్, యాక్షన్స్ సీన్స్ కూడా కళ్లు చెదిరేలా ఉన్నాయి. మొత్తంగా ఈ ట్రైలర్ సినిమాపై ఆసక్తిని, అభిమానుల్లో ఉత్సాహాన్ని రెట్టింపు చేసేలా ఉంది.