కరోనా మహమ్మారి వల్ల ప్రస్తుతం అన్ని దేశాలు తీవ్ర ఇబ్బందులు ఎదుర్కొంటున్నాయి. దీనికి వ్యాక్సిన్ కనిపెట్టేందుకు ఇప్పటికే పరిశోధకులు చాలా శ్రమిస్తున్నారు. అయితే ఈ వైరస్ త్వరగా అంతం కావాలని కోరిన బాలీవుడ్ హీరో వరుణ్ ధావన్.. అది జరిగిన తర్వాత తాను ఇలానే డ్యాన్స్ చేస్తానంటూ ఓ వీడియోను పోస్ట్ చేశాడు.
ఇందులో ఓ బుడతడు ఆనందంతో మెలికలు తిరుగుతూ ఫన్నీగా డాన్స్ చేస్తున్నాడు. ప్రస్తుతం ఈ వీడియోపై పలువురు సెలబ్రిటీలు కామెంట్ చేస్తున్నారు. తామూ వరుణ్తో కలిసి గెంతుతామని రాసుకొచ్చారు.