కథానాయకుడు మంచు విష్ణు, కథానాయిక కాజల్ అగర్వాల్‌ 'మోసగాళ్లు' సినిమాలో తోబుట్టువులుగా కనిపించబోతున్నారు. రాఖీ పౌర్ణమి సందర్భంగా చిత్రబృందం ఈ విషయాన్ని వెల్లడిస్తూ, సోమవారం ఓ పోస్టర్‌ను విడుదల చేసింది.
అన్న చెల్లెళ్లుగా మంచు విష్ణు, కాజల్!
ఐటీ కుంభకోణం కథతో 'మోసగాళ్లు' సినిమా తీస్తున్నారు. ఇందులో మంచు విష్ణు, కాజల్ తోబుట్టువుల్లా తెరపై కనిపించనున్నారు.
ఆ సినిమాలో తోబుట్టువుల్లా మంచు విష్ణు, కాజల్!
చరిత్రలో నమోదైన అతిపెద్ద ఐటీ కుంభకోణం నేపథ్యంలో హాలీవుడ్-ఇండియన్‌ ప్రాజెక్టుగా తెరకెక్కుతున్న ఈ చిత్రాన్ని లాస్‌ ఏంజెల్స్‌కు చెందిన జెఫ్రీ గీ చిన్‌ దర్శకత్వం వహిస్తున్నారు. 24 ఫ్రేమ్స్‌ఫ్యాక్టరీ పతాకంపై విష్ణు నిర్మిస్తుండగా, ఏవీఏ ఎంటర్‌టైన్‌మెంట్‌ నిర్మాణ భాగస్వామిగా వ్యవహరిస్తోంది. హాలీవుడ్కు చెందిన షెల్డన్ చౌ ఛాయాగ్రాహకుడుగా వ్యవహరిస్తున్నారు.
ప్రస్తుతం నిర్మాణానంతర పనులు జరుగుతున్నాయి. ఇందుకోసం కాజల్ ప్రత్యేక వర్క్షాప్కు కూడా హాజరైంది. ఈ సినిమానూ వేసవిలోనే విడుదల చేయాలని భావించినప్పటికీ, లాక్డౌన్ కారణంగా అది కాస్త వాయిదా పడింది.
Last Updated : Aug 4, 2020, 8:35 AM IST