హైద‌రాబాద్‌లోని ఓ హోట‌ల్‌లో కథానాయకుడు విశాల్... నటి అనీషా రెడ్డిల నిశ్చితార్థ వేడుక ఘనంగా జరిగింది. ఇరు కుటుంబాల స‌న్నిహితులు, బంధువులు స‌మక్షంలో వీరిద్దరూ ఉంగరాలు మార్చుకున్నారు.
ఘనంగా విశాల్ నిశ్చితార్థం
కథానాయకుడు విశాల్- నటి అనీషా నిశ్చితార్థ వేడుక హైదరాబాద్లో ఘనంగా జరిగింది. త్వరలో వీరిద్దరూ వివాహ బంధంతో ఒక్కటి కానున్నారు.
నిశ్చితార్థ వేడుకలో నవ్వుులు చిందిస్తున్న విశాల్- అనీషా జంట
తెలుగువాడైన విశాల్... కోలీవుడ్లో స్టార్ క‌థానాయ‌కుడిగా పేరు తెచ్చుకున్నాడు. ఆయ‌న న‌టించిన చిత్రాలు తెలుగులోనూ విడుదల‌వుతుంటాయి. ఇక్క‌డ ప‌లు విజ‌యాల్ని సొంతం చేసుకున్నాడు విశాల్. టెంపర్ రీమేక్గా తెరకెక్కుతోన్న 'అయోగ్య' సినిమాలో ప్రస్తుతం నటిస్తున్నాడు. ఏప్రిల్ 19న ఈ చిత్రం విడుదల కానుంది.
'అర్జున్‌రెడ్డి', 'పెళ్లిచూపులు' చిత్రాల్లో సహాయ పాత్రల్లో నటించింది అనీషా రెడ్డి. వీరిది పెద్ద‌లు కుదిర్చిన వివాహం. త్వ‌ర‌లోనే ఈ జంట మూడు ముళ్ల బంధంతో ఒక్క‌టవుతుంది.