విజయ్ - అట్లీ కాంబినేషన్‌లో తమిళంలో వచ్చిన ‘తెరి’, ‘మెర్సల్‌’ చిత్రాలు భారీ హిట్లుగా నిలిచాయి. అయితే తాజాగా నిర్మితమవుతున్న చిత్రంలో విజయ్... ఓ ఫుట్బాల్ కోచ్‌గా కనిపించనున్నాడు. స్పోర్ట్స్ డ్రామా నేపథ్యంతో ‘పీలే’, ‘లగాన్‌’ చిత్రాల స్థాయిలో దీన్ని తెరకెక్కిస్తున్నారు అట్లీ. ప్రస్తుతం సినిమా శరవేగంగా చిత్రీకరణ జరుపుకుంటోంది. అయితే ఈ చిత్రం కోసం భారీ ఫుట్బాల్ స్టేడియం నిర్మిస్తోంది చిత్ర బృందం.
- రూ.6 కోట్ల ఖర్చుతో ఈవీపి స్టూడియోస్‌లో భారీ స్టేడియం సెట్‌ను నిర్మిస్తున్నారు. ఇందులోనే దాదాపు 50 రోజుల పాటు కీలక సన్నివేశాలు చిత్రీకరించనున్నారు.
- దాదాపు రూ.125 కోట్ల భారీ బడ్జెట్‌తో ఏజీఎస్‌ ఎంటర్‌టైన్‌మెంట్స్‌ సంస్థ ఈ సినిమాను నిర్మిస్తోంది.