టాలీవుడ్ యువహీరో విజయ్ దేవరకొండ.. చాలా తక్కువ సినిమాలే చేసినా, యువతలో విపరీతమైన క్రేజ్ తెచ్చుకున్నాడు. హిట్, ఫ్లాఫ్లతో సంబంధం లేకుండా ఆదరణ దక్కించుకున్నాడు. అయితే 2019కిగానూ గూగుల్లో అత్యధికులు వెతికిన దక్షిణాది నటుడిగా నిలిచాడు. స్టార్ హీరోలు మహేశ్బాబు, ఎన్టీఆర్, రామ్చరణ్, ప్రభాస్ వంటి వారిని వెనక్కి నెట్టి ఈ ఘనత సాధించాడు.
విజయ్ దేవరకొండ కోసం గూగుల్లో తెగ వెతికారు
రౌడీ హీరో విజయ్ దేవరకొండ.. ఈ ఏడాది గూగుల్లో అత్యధికులు వెతికిన దక్షిణాది నటుడిగా నిలిచాడు. ఇతడు ప్రస్తుతం.. దర్శకుడు పూరీ జగన్నాథ్తో 'ఫైటర్' సినిమా చేస్తున్నాడు.
విజయ్ దేవరకొండ
తన కెరీర్లో 'పెళ్లి చూపులు', 'అర్జున్రెడ్డి', 'గీత గోవిందం', 'ట్యాక్సీవాలా' చిత్రాలతో విజయాల్ని అందుకున్నాడు. ఈ ఏడాది 'డియర్ కామ్రేడ్'తోమాత్రం నిరాశపరిచాడు. ప్రస్తుతం పూరీ జగన్నాథ్ దర్శకత్వంలో 'ఫైటర్' అనే సినిమా చేస్తున్నాడు. ఈ చిత్రంతోనే బాలీవుడ్లోనూ అరంగేట్రం చేయనున్నట్లు తెలుస్తోంది. ఈ విషయంపై అధికారిక ధ్రువీకరణ రావాల్సి ఉంది. ఇదే కాకుండా 'వరల్డ్ ఫేమస్ లవర్'లోనూ నటిస్తున్నాడు. ఇందులో హీరోయిన్గా నటిస్తున్న ఐశ్వర్య రాజేశ్ లుక్ గురువారం విడుదలైంది. ఆకట్టుకుంటూ సినిమాపై అంచనాల్ని పెంచేస్తోంది.
ఇది చదవండి: 'వరల్డ్ ఫేమస్ లవర్' కోసం నాలుగు రోజులు.. నలుగురు లవర్స్
Last Updated : Dec 13, 2019, 1:57 PM IST