టాలీవుడ్ యువహీరో వరుణ్తేజ్, దర్శకుడు హరీశ్ శంకర్ కాంబినేషన్లో రూపొందిన చిత్రం 'వాల్మీకి'. పూజాహెగ్డే కథానాయిక. తమిళ నటుడు అధర్వమురళి కీలక పాత్ర పోషిస్తున్నాడు. అయితే ఈ చిత్రంలో మరో టాలీవుడ్ కథానాయకుడు నితిన్ కనిపించనున్నాడు. ఈ విషయాన్ని ధ్రువీకరిస్తూ వరుణ్ తేజ్ ట్వీట్ చేశాడు. నితిన్తో కలిసున్న ఫొటోను పంచుకున్నాడు.
"వాల్మీకి చిత్రంలో అతిథిపాత్రలో నటించిన మా 'భీష్మ'కు ధన్యవాదాలు. లవ్‌ యూ డార్లింగ్‌" -- వరుణ్తేజ్, సినీ నటుడు
వరుణ్ ట్వీట్ చేసిన తర్వాత మరో ఫొటోను షేర్‌ చేశాడు హీరో నితిన్. 'వాల్మీకి’ చిత్రంలో భాగమైనందుకు చాలా సంతోషంగా, సరదాగా ఉందని చెప్పాడు. చిత్రబృందానికి ఆల్‌ ది బెస్ట్‌ చెప్పి... సెప్టెంబర్‌ 20న గత్తర్‌ లేపాలే అని ట్వీట్ చేశాడు.
వరుణ్,పూజా హెగ్డే ఇంతకు ముందు 'ముకుంద' చిత్రంలో నటించారు. ప్రస్తుతం జంటగా నటించిన 'వాల్మీకి' ఈనెల 20న ప్రేక్షకుల ముందుకు రానుంది. 14 రీల్స్‌ ప్లస్‌ పతాకంపై రామ్‌ ఆచంట, గోపీ ఆచంట సంయుక్తంగా నిర్మించారు. తమిళ చిత్రం 'జిగర్తాండ'కు ఈ సినిమా తెలుగు రీమేక్‌.
