మెగా హీరో వైష్ణవ్ తేజ్, కృతిశెట్టి జంటగా తెరకెక్కిన చిత్రం 'ఉప్పెన'. బుచ్చిబాబు సానా దర్శకుడు. మైత్రీ మూవీ మేకర్స్‌ నిర్మించిన ఈ సినిమా ఫిబ్రవరిలో విడుదలై మంచి విజయం అందుకుంది. బాక్సాఫీస్ వద్ద వసూళ్ల వర్షం కురిపించింది. ఇటీవలే టీవీలో ప్రసారమైన ఈ మూవీ అక్కడా జోరు చూపించింది. టెలికాస్ట్ అయిన మొదటిసారి 18.5 టీఆర్పీతో రికార్డు సృష్టించింది. డెబ్యూ హీరో సినిమాకు ఇంతటి వ్యూస్ దక్కడం ఇదే తొలిసారి. ఇదేరోజు ప్రసారమైన విజయ్ 'మాస్టర్' చిత్రం 4.8 టీఆర్పీ దక్కించుకుంది.
బుల్లితెరపైనా 'ఉప్పెన' జోరు.. టీఆర్పీతో రికార్డు
మెగా హీరో వైష్ణవ్ తేజ్, కృతిశెట్టి జంటగా నటించిన 'ఉప్పెన' చిత్రం బుల్లితెరపైనా జోరు చూపించింది. టెలివిజన్లో ప్రసారమైన మొదటిసారి 18.5 టీఆర్పీ సాధించి రికార్డు సృష్టించింది.
ఉప్పెన
'ఉప్పెన' చిత్రానికి దేవీశ్రీ ప్రసాద్ అందించిన సంగీతం పెద్ద ప్లస్. అలాగే విజయ్ సేతుపతి హీరోయిన్ తండ్రి పాత్రలో నటించి మెప్పించారు. అరంగేట్రం సినిమాతోనే వైష్ణవ్, కృతిశెట్టి వారి నటనతో విమర్శకుల ప్రశంసలూ అందుకున్నారు.