ఉపేంద్ర 'కబ్జా' ఎక్కడ మొదలైంది..!

కన్నడ సూపర్​స్టార్ ఉపేంద్ర కథానాయకుడిగా వస్తోన్న కొత్త చిత్రం 'కబ్జా'. చంద్రు దర్శకత్వం వహిస్తోన్న ఈ సినిమా ప్రారంభోత్సవం శనివారం జరిగింది. ---

కన్నడ నటుడు ఉపేంద్ర కథానాయకుడిగా తెలుగులో నటిస్తోన్న చిత్రం 'కబ్జా'. ఆర్‌.చంద్రు దర్శకత్వం వహిస్తున్నాడు. శ్రీ సిద్ధేశ్వర ఎంటర్‌ప్రైజెస్‌ పతాకంపై ఆర్‌.చంద్రశేఖర్, రాజ్‌ప్రభాకర్‌ సంయుక్తంగా నిర్మిస్తున్నారు. లగడపాటి శ్రీధర్‌ సమర్పకులు. ఈ సినిమా ప్రారంభోత్సవం శనివారం హైదరాబాద్‌లో జరిగింది.

ఉపేంద్ర, లగడపాటి శ్రీధర్

"1947 - 80 నేపథ్యంలో సాగే ఒక మాఫియా నాయకుడి కథ ఇది. విభిన్నంగా, పాన్‌ ఇండియా స్థాయిలో తెరకెక్కిస్తున్నాం. 'బ్రహ్మ', 'ఐ లవ్‌ యు' చిత్రాల తర్వాత ఉపేంద్రతో ఈ సినిమా చేస్తుండడం ఆనందంగా ఉంది. 'కృష్ణమ్మ కలిపింది ఇద్దరిని' తర్వాత తెలుగులో నేను చేస్తున్న రెండో చిత్రమిది."
ఆర్​.చంద్రు, దర్శకుడు

"తెలుగు ప్రేక్షకులు నా 'ఎ' చిత్రాన్ని ఎంతగానో ఆదరించారు. అప్పట్నుంచి 'సన్నాఫ్‌ సత్యమూర్తి' వరకు నన్ను అభిమానిస్తూనే ఉన్నారు. 'కబ్జా' ఒక అండర్‌ వరల్డ్‌ డాన్‌ కథ. ఓ కొత్త జోనర్లో ఈ చిత్రం రూపొందుతోంది. చంద్రుతో ఇదివరకు చేసిన రెండు సినిమాలూ ఘన విజయం సాధించాయి. మా కలయికలో వస్తున్న ఈ చిత్రం కూడా తప్పకుండా మెప్పిస్తుంది."
-ఉపేంద్ర, హీరో

ఇవీ చూడండి.. అందుకే పిల్లలు వద్దనుకున్నాం: విజయశాంతి