గత కొన్ని రోజులుగా మ‌న‌మంతా వివిధ చేదు వార్త‌ల‌తో మానసికంగా కుంగిపోయామని క‌థానాయ‌కుడు రామ్చరణ్ సతీమణి ఉపాసన పేర్కొన్నారు. ఆమె శ‌నివారం సోషల్మీడియాలో ఓ భావోద్వేగపు పోస్ట్ చేశారు. త‌మ కుటుంబ స‌భ్యులు కూడా గత కొన్ని రోజులుగా వేద‌న‌లో ఉన్నార‌ని చెప్పారు.
"గత 20 రోజుల నుంచి మ‌నం ఎన్నో భ‌రించాం. మా కుటుంబంలోని ముగ్గురు పెద్ద‌వాళ్లు క‌న్నుమూశారు. సుశాంత్ సింగ్ రాజ్‌పూత్ మ‌ర‌ణ‌వార్త విన్నాం. మరోవైపు కొవిడ్ కేసులు రోజురోజుకీ పెరిగిపోతున్నాయి. మ‌న దేశాన్ని కాపాడేందుకు జ‌వాన్లు త‌మ ప్రాణాల్ని త్యాగం చేశారు. వీటిని ఎదుర్కోవ‌డం అంత సుల‌భం కాదు. స‌రిగ్గా వారం క్రితం మా వివాహ ఎనిమిదో వార్షికోత్సవం. కానీ, ఆ ప్ర‌త్యేక రోజును జ‌రుపుకొనే ఆస‌క్తి మాలో లేదు. మూడు ర‌కాల ఆవ‌కాయ ప‌చ్చ‌ళ్లు, అన్నం, చిప్స్ మాత్ర‌మే తిన్నాం, ఇంట్లోనే టీవీ చూశాం. ఈ స‌మ‌యంలోనే జీవితానికి కావాల్సిన అతి ముఖ్య‌మైన పాఠాల్ని నేర్చుకున్నాం."
- ఉపాసన కొణిదెల, హీరో రామ్చరణ్ భార్య