ప్రస్తుతం టాలీవుడ్‌కు 'బీ ద రియల్మ్యాన్' ఫీవర్‌ పట్టుకుంది. అగ్ర నటులు, దర్శకులు, సంగీత దర్శకులు ఒకరిపై ఒకరు ఛాలెంజ్ విసురుకుంటూ ఇంటి పనుల్లో మహిళలకు సాయం చేస్తున్నారు. ఆ వీడియోలను సామాజిక మాధ్యమాల వేదికగా పంచుకుంటున్నారు. ఇందులో భాగంగా సంగీత దర్శకుడు ఎం.ఎం.కీరవాణి విసిరిన సవాల్‌ను దర్శకుడు క్రిష్‌ జాగర్లమూడి పూర్తి చేశారు. మొక్కలకు నీళ్లుపోసి, ఇల్లు తుడిచి, వంట చేసి వాళ్ల అమ్మ కోసం పట్టుకెళ్లారు. ఆ తర్వాత ఈ ఛాలెంజ్ను పవన్‌కల్యాణ్‌ ఫ్యాన్స్‌ పూర్తి చేయాల్సిందిగా సవాల్‌ విసిరారు.
హీరో వెంకటేశ్.. దర్శకుడు అనిల్ రావిపూడికి ఛాలెంజ్ చేయగా.. అనిల్ ఇంటిని శుభ్రం చేయటం సహా వంట పనుల్లో సహాయం చేస్తున్న వీడియోను తాజాగా ట్విట్టర్లో పోస్ట్ చేశారు. హీరోలు కల్యాణ్ రామ్, సాయిధరమ్ తేజ్, రవితేజకు ఈ ఛాలెంజ్ను స్వీకరించమని కోరారు.