మెగా పవర్స్టార్ రామ్చరణ్ మార్చి 27 (ప్రపంచ రంగస్థల దినోత్సవం)న ఎందుకు పుట్టాడో తనకి కొంతకాలనికి అర్థమైందని మెగాస్టార్ చిరంజీవి అన్నాడు. నేడు రామ్చరణ్ పుట్టినరోజు సందర్భంగా ట్విట్టర్లో శుభాకాంక్షలు తెలిపాడు చిరు.
"రామ్ చరణ్ పుట్టినప్పుడు నేను ఎంతో సంతోషించాను. మార్చి 27.. ప్రపంచ రంగస్థల దినోత్సవం. ఆ రోజు చరణ్ జన్మించడానికి గల కారణం ఆ తర్వాత నాకు అర్థమైంది. చేపలకు నీళ్లలాగా అతను నటనను స్వీకరించాడు. ఈ పండుగ రోజున హ్యాపీ బర్త్‌డే చరణ్"
- చిరంజీవి, కథానాయకుడు
రామ్చరణ్ పుట్టినరోజు సందర్భంగా టాలీవుడ్‌కు చెందిన పలువురు ప్రముఖులు సోషల్‌మీడియాలో అతడికి శుభాకాంక్షలు తెలిపారు. అదేవిధంగా చెర్రీకి బహుమతిగా ఓ అభిమాని ప్రత్యేక గీతాన్ని రూపొందించారు. ఆ పాటకు సంబంధించిన వీడియోను ఉపాసన, కాజల్‌, తమన్నా, అనసూయ ట్విట్టర్ వేదికగా షేర్‌ చేశారు.
"నా బావ రామ్‌చరణ్‌కు పుట్టినరోజు శుభాకాంక్షలు. ఈ నూతన సంవత్సరం నీ జీవితంలో మరెన్నో విజయాలను, సంతోషాలను అందించాలని కోరుకుంటున్నాను. ఈరోజు నిన్ను కలవాలని అనుకున్నాను. కానీ ఓ మంచి పని కోసం మనందరం ఇళ్లకే పరిమితమయ్యాం"
- అల్లు అర్జున్‌, కథానాయకుడు
"చిరుత సినిమా కోసం రామ్‌చరణ్‌తో కలిసి పనిచేయడం నాకెంతో సంతోషంగా ఉంది. నేను ఎన్నో ఇబ్బందులు ఎదుర్కొంటున్న సమయంలో నాకు ఈ అవకాశాన్ని కల్పించిన నా గురూజీ పూరి జగన్నాథ్‌కు ధన్యవాదాలు. హ్యాపీ బర్త్‌డే రామ్చరణ్. నీకు మరింత సంతోషం, విజయం అందాలని కోరుకుంటున్నాను. వ్యక్తిగతంగా, వృత్తిపరంగా నువ్వు చాలా మందిలో స్ఫూర్తి నింపావు."
- హరీశ్‌ శంకర్‌, దర్శకుడు
"హ్యాపీ బర్త్‌డే మిత్రమా.. మంచి మనసున్న నువ్వు వందేళ్లపాటు సంతోషంగా ఉండాలని కోరుకుంటున్నాను. లవ్‌ యూ బాబాయ్‌. వెల్‌కమ్‌ టు ట్విట్టర్"