మెగా పవర్స్టార్ రామ్చరణ్, యంగ్‌టైగర్‌ ఎన్టీఆర్ కథానాయకులుగా దర్శకధీరుడు ఎస్‌ఎస్‌ రాజమౌళి దర్శకత్వంలో తెరకెక్కుతోన్న ప్రతిష్టాత్మక చిత్రం ఆర్ఆర్ఆర్(రౌద్రం రణం రుధిరం). ఉగాది కానుకగా టైటిల్తో పాటు మోషన్ పిక్చర్ వీడియోను విడుదల చేసింది చిత్రబృందం. శుక్రవారం (మార్చి 27) చరణ్ పుట్టినరోజు సందర్భంగా అతడి పాత్రను పరిచయం చేస్తూ.. ఎన్టీఆర్ గాత్రంతో ఓ సర్ప్రైజ్ వీడియోను రిలీజ్ చేసింది. దీనిపై పలువురు టాలీవుడ్ ప్రముఖులు ట్విట్టర్లో స్పందించారు.
ట్విట్టర్లో 'మన్నెం దొర'కు విశేష స్పందన
మెగా పవర్స్టార్ రామ్చరణ్ పుట్టినరోజు సందర్భంగా ఓ ప్రత్యేక వీడియోను విడుదల చేసింది 'ఆర్ఆర్ఆర్' చిత్రబృందం. ఈ వీడియో సామాజిక మాధ్యమాల్లో విశేషాదరణ దక్కించుకుంది. దీనిపై పలువురు టాలీవుడ్ ప్రముఖులు స్పందించారు.
ట్విట్టర్లో 'మన్నెం దొర'కు విశేషాదరణ
ఈ చిత్రంలో రామ్చరణ్, అల్లూరి సీతారామరాజుగా.. తారక్, కొమురం భీమ్గా కనిపించనున్నారు. ఆలియా భట్, ఒలివియా మోరిస్ హీరోయిన్లు. అజయ్ దేవగణ్, సముద్రఖని, రే స్టీవెన్సన్, అలిసన్ డూడీ కీలక పాత్రలు పోషిస్తున్నారు. కీరవాణి సంగీతమందిస్తున్నాడు. దాదాపు రూ.350 కోట్ల బడ్జెట్తో డీవీవీ దానయ్య నిర్మిస్తున్నాడు. వచ్చే ఏడాది జనవరి 8న ప్రేక్షకుల ముందుకు రానుందీ చిత్రం.
ఇదీ చూడండి.."ఆడు కనబడితే నిప్పుకణం నిలబడినట్టుంటది"