అనాథాశ్రమంలో సినీనటి నిత్యా నరేష్..

నిజామాబాద్ జిల్లా డిచ్​పల్లి అనాథాశ్రమం మానవతా సదన్​ను సందర్శించింది సినీ నటి నిత్యా నరేష్. విద్యార్థులతో కలిసి ఆడుతూ.. పాడుతూ సందడి చేసింది.

టాలీవుడ్​ హీరోయిన్ నిత్యా నరేష్ నిజామాబాద్​ జిల్లాలో సందడి చేసింది. డిచ్​పల్లిలోని మానవతా సదన్ అనాథాశ్రమానికి వచ్చిన నిత్య.. విద్యార్థులకు చిత్రలేఖనం సామాగ్రి అందజేసింది. అనంతరం వారితో కలిసి నృత్యాలు చేసింది.

"మా కుటుంబం ఐదు తరాల నుంచి వివిధ సేవా కార్యక్రమాల్లో పాల్గొంటుంది. ఈ వారంలో నా పుట్టిన రోజు ఉంది. ఈ సమయంలో మానవతా సదన్​ను సందర్శించడం ఆనందంగా ఉంది" -నిత్యా నరేష్, సినీ నటి

'కేరింత', 'గోలీసోడా' లాంటి చిత్రాలతో గుర్తింపు తెచ్చుకుంది నిత్యా నరేష్. త్వరలో 'ఆపరేషన్ గోల్డ్​ ఫిష్'​సినిమాతో ప్రేక్షకుల ముందుకు రానుంది.

ఇదీ చదవండి: అక్కడ 'బాహుబలి'ని బీట్ చేసిన 'సాహో'