బ్రిటీష్ టెలివిజన్ షో 'ది నైట్ మేనేజర్'ను హిందీలో రీమేక్ చేయడానికి రంగం సిద్ధమవుతోంది. బాలీవుడ్ స్టార్ హీరో హృతిక్ రోషన్ ఇందులో ప్రధానపాత్ర పోషించనున్నారని ప్రచారం జరుగుతోంది. ఓ డిజిటల్ ఫ్లాట్ఫామ్ దీని రీమేక్ హక్కులను సొంతం చేసుకుందని.. ఈ ఏడాది ప్రథమార్థంలో చిత్రీకరణ మొదలుపెట్టనున్నారని సమాచారం. ఇదే నిజమైతే హృతిక్ నటించే తొలి వెబ్సిరీస్ ఇదే కావడం విశేషం.
'ది నైట్ మేనేజర్' హిందీ రీమేక్ హక్కులను డిస్నీ+హాట్స్టార్ సొంతం చేసుకుందని గతేడాది ఆగస్టు నుంచే వార్తలు వినిపిస్తున్నాయి. అయితే ఏప్రిల్ నుంచి షూటింగ్ ప్రారంభించనున్నారని సమాచారం. ఈ సిరీస్లోని టామ్ హిడల్స్టన్ పాత్రలో హృతిక్ నటించనున్నారని తెలుస్తోంది. స్పై-థ్రిల్లర్ నేపథ్యంలో రూపొందనున్న ఈ సిరీస్లోని మొదటి షెడ్యూల్ను ముంబయిలో నిర్వహించి.. ఆ తర్వాత విదేశాల్లో షూట్ చేయాలని చిత్రబృందం సన్నాహాలు చేస్తుంది.