తమిళ స్టార్ హీరో అజిత్ నటనతో పాటు పలు రంగాల్లో ప్రావీణ్యం ఉన్నవారు. ఆయనకు బైక్ రైడింగ్, స్టంట్స్, రైఫిల్ షూటింగ్ వంటి పలు సాహసాలు చేయడమంటే అమితమైన ఇష్టం. వీలు దొరికినప్పుడల్లా ఇలాంటివి చేస్తూ నెటిజన్లను ఆశ్చర్యానికి గురి చేస్తుంటారు.
తాజాగా ఆయన ఓ రహదారిపై సైక్లింగ్ చేస్తూ కనిపించారు. మరి ఆయన ఎక్కడికి, ఎంత దూరం ప్రయాణిస్తున్నారో వివరాలు తెలియలేదు. దీనికి సంబంధించిన ఫొటోలు నెట్టింట్లో వైరల్గా మారాయి. ఇవి చూసిన అభిమానులు అజిత్ను ప్రశంసలతో ముంచెత్తుతున్నారు.
ప్రస్తుతం అజిత్ 'వాలిమై' సినిమాలో నటిస్తున్నారు. హెచ్‌.వినోద్‌ దర్శకత్వం వహిస్తున్నారు. బోనీ కపూర్‌ నిర్మాత. యువన్‌ శంకర్‌ రాజా సంగీతం అందిస్తున్నారు. బాలీవుడ్‌ నటి హ్యుమా ఖురేషీ కథానాయికగా నటిస్తున్నారు.