సూపర్​స్టార్​ పాటకు సితార స్టెప్పులు

సూపర్​ స్టార్​ మహేశ్​బాబు ప్రధాన పాత్రలో నటించిన చిత్రం 'సరిలేరు నీకెవ్వరు'. ఇటీవల ఈ సినిమాలోని 'హీ ఈజ్​ సో క్యూట్​' పాట విడుదలైంది.  ఈ సాంగ్​కు మహేశ్​ కుమార్తె డ్యాన్స్​ చేసిన వీడియో ప్రస్తుతం నెట్టింట వైరల్​ అవుతోంది.

సూపర్​స్టార్​ మహేశ్​బాబు హీరోగా అనిల్‌ రావిపూడి దర్శకత్వంలో తెరకెక్కుతోన్న చిత్రం 'సరిలేరు నీకెవ్వరు'. ఇటీవల విడుదలైన ఈ సినిమాలోని 'హీ ఈజ్​ సో క్యూట్'​ పాట ప్రేక్షకులను అలరిస్తోంది. తాజాగా మహేశ్​ కుమార్తె సితార ఈ పాటకు ముద్దు ముద్దుగా డ్యాన్స్​ చేసింది. కథానాయిక రష్మిక స్టెప్పులు కాపీ చేసి.. అచ్చం అలానే దించేసింది. ప్రస్తుతం ఈ వీడియో సామాజిక మాధ్యమాల్లో వైరల్​ అవుతోంది.

సితార ఇలా సినిమా పాటలకు డ్యాన్స్‌ చేయడం ఇది తొలిసారి కాదు. గతంలో 'బాహుబలి'లోని 'ముకుంద', 'మహర్షి' సినిమాలోని 'పాలపిట్ట' పాటలకు స్టెప్పులేసి ఆకట్టుకుంది.

ప్రస్తుతం ఈ పాట 93 లక్షల విక్షణలకు చేరుకుంది. అంతేకాదు యూట్యూబ్‌ ట్రెండింగ్‌లో ఏడో స్థానంలో ఉంది. దేవిశ్రీ ప్రసాద్‌ సంగీతం అందించిన ఈ పాటను మధు ప్రియ ఆలపించారు.విజయశాంతి, ప్రకాష్‌రాజ్, రాజేంద్రప్రసాద్‌ తదితరులు ముఖ్య పాత్రలు పోషిస్తున్నారు. సంక్రాంతి కానుకగా జనవరి 11న ప్రేక్షకుల ముందుకు రానుందీ చిత్రం.

ఇదీ చదవండి: ఈ ఏడాది షట్లర్లకు చేదుగుర్తు.. నిరాశ పరిచిన స్టార్లు!