బాలీవుడ్ హీరో 'షాహిద్ కపూర్' తమ్ముడు 'ఇషాన్ ఖత్తర్' తెలుగులో వచ్చిన 'టాక్సీవాలా'కు రీమేక్ 'కాలీ పీలీ' చిత్రం చేస్తున్నట్లు వార్తలు వచ్చాయి. బాలీవుడ్‌లోని ఓ బడా నిర్మాత ఈ సినిమా రీమేక్ హక్కులను కొనుగోలు చేశారని, ఇషాన్ ఖత్తర్ కథానాయకుడిగా దీన్ని పునర్నిర్మిస్తోన్నట్లు సమాచారం అందింది. ఇదంతా వాస్తవం కాదంటూ 'టాక్సీవాలా' చిత్ర నిర్మాత ఎస్‌కేఎన్‌ క్లారిటీ ఇచ్చాడు. ట్విట్టర్‌ వేదికగా ఈ విషయాన్ని తెలిపాడు.
"టాక్సీవాలా హిందీ రీమేక్ హక్కుల గురించి కొన్ని వార్తలు వస్తున్నాయి. కానీ మేం ఆ హక్కులను ఇంకా ఎవరికీ అమ్మలేదు. ఇప్పటికీ అవి మా చేతుల్లోనే ఉన్నాయి."