తమిళంలో జిగర్తాండా, పేట వంటి సూపర్హిట్ చిత్రాలు తెరకెక్కించిన దర్శకుడు కార్తీక్ సుబ్బరాజ్. ఈ డైరెక్టర్తో కలిసి ఓ సినిమా చేయనున్నాడు కోలీవుడ్ స్టార్ హీరో ధనుష్. మలయాళీ భామ ఐశ్వర్య లక్ష్మి హీరోయిన్.
ధనుష్, కార్తిక్ సుబ్బరాజ్, ఐశ్వర్య లక్ష్మి వై నాట్‌ స్టూడియోస్‌ పతాకంపై సినిమా నిర్మించనున్నారు. గ్యాంగ్స్టర్ థ్రిల్లర్గా రానున్న ఈ చిత్రం ఆగస్టులో ప్రారంభంకానుంది. షూటింగ్ మొత్తం లండన్లో జరగనుంది. ఈ చిత్రానికి సంతోష్ నారాయణన్ సంగీత దర్శకుడు. ఎస్.శశికాంత్, రామచంద్ర చక్రవర్తి నిర్మాతలు. నటీనటులు సహా మరిన్ని వివరాల్ని త్వరలో వెల్లడించనుంది చిత్రబృందం.
సినిమా విశేషాలతో ధనుష్ ట్వీట్ ఆల్పాసినో వల్లే ఆలస్యం...
2017లోనే సినిమా చేస్తున్నట్లు అప్డేట్ ఇచ్చాడు ధనుష్. హాలీవుడ్‌ నటుడు ఆల్ పాసినో కూడా ఇందులో ఓ కీలక పాత్ర పోషించనున్నాడు. ఈ ఇంగ్లీష్ నటుడి డేట్స్‌ సర్దుబాటు కాకపోవడం వల్ల సినిమా పనులు ప్రారంభం కాలేదు.
ప్రస్తుతం ధనుష్ వెట్రిమాన్‌ దర్శకత్వంలో 'అసురన్‌' చిత్రం చేస్తున్నాడు. ఐశ్వర్య మలయాళంలో పృథ్వీరాజ్‌తో కలిసి 'బ్రదర్స్‌ డే' సినిమాలో నటిస్తోంది. తమిళంలో సుందర్‌.సి దర్శకత్వంలో విశాల్‌తో కలిసి మరో సినిమాలో కనువిందు చేయనుందీ అమ్మడు. ఇందులో తమన్నా ఒక కథానాయికగా నటిస్తోంది.
ఇవీ చూడండి...ఒక్క పాట కోసం ముగ్గురు కామ్రేడ్స్
