మేఘా ఆకాశ్ హీరోయిన్గా 'డియర్ మేఘ' అనే చిత్రం తెరకెక్కుతోంది. సుశాంత్ రెడ్డి దర్శకత్వం వహిస్తోన్న ఈ చిత్రంలో అరుణ్ అదిత్, అర్జున్ సోమయాజులు కీలకపాత్రలు పోషిస్తున్నారు. ఇటీవలే విడుదలైన సినిమా ఫస్ట్లుక్ ఆకట్టుకునేలా ఉంది. తాజాగా ఈ సినిమాలోని 'ఆమని ఉంటే' లిరికల్ సాంగ్ను శుక్రవారం ఉదయం 10.18 గంటలకు స్టార్ హీరోయిన్ పూజా హెగ్డే చేతుల మీదుగా రిలీజ్ చేయనున్నట్లు చిత్రబృందం ప్రకటించింది. ప్రస్తుతం షూటింగ్ దశలో ఉన్న ఈ చిత్రానికి సంబంధించిన రిలీజ్ డేట్ను త్వరలోనే ప్రకటించనున్నారు.
'డియర్ మేఘ' లిరికల్ సాంగ్ రిలీజ్ పోస్టర్ థమన్ మ్యూజిక్
ప్రముఖ కొరియోగ్రాఫర్ లారెన్స్ హీరోగా నటిస్తున్న కొత్త తమిళ చిత్రం 'అధికారమ్'. దురయి సెంథిల్ కుమార్ దర్శకత్వంలో రూపొందుతున్న చిత్రాన్ని వెట్రిమారన్ నిర్మిస్తున్నారు. పాన్ఇండియా స్థాయిలో సినిమా రూపొందుతోంది. ఈ సినిమాకు సంగీత దర్శకుడిగా ఎస్.ఎస్.థమన్ను ఎంపిక చేసింది చిత్రబృందం.
లారెన్స్ 'అధికారమ్' సినిమా కోసం థమన్ నిర్మాతగా తాప్సీ
ప్రముఖ బాలీవుడ్ నటి తాప్సీ నిర్మాతగా మారనుంది. ఆమె నటించిన 'సూర్మా', 'పీకూ' సినిమాలకు నిర్మాతగా వ్యవహరించిన ప్రాంజల్ ఖాంద్డీయాతో కలిసి 'అవుట్సైడర్స్ ఫిలిమ్స్' అనే నిర్మాణసంస్థను ప్రకటించింది. ఈ సంస్థలో రూపొందనున్న తొలి చిత్రం 'బ్లర్'ను జీ స్టూడియోస్తో కలిసి సంయుక్తంగా నిర్మించనున్నట్లు ట్విట్టర్లో తాప్సీ ప్రకటించింది. ఈ చిత్రాన్ని 2022లో ప్రేక్షకుల ముందుకు తీసుకురానున్నట్లు పేర్కొంది.
తాప్సీ నిర్మాణంలో తొలి సినిమా
'సమ్మతమే' ఫస్ట్లుక్
యువ కథానాయకుడు కిరణ్ అబ్బవరం నటిస్తున్న కొత్త చిత్రం 'సమ్మతమే'. గోపీనాథ్ రెడ్డి దర్శకత్వం వహిస్తున్నారు. చాందినీ చౌదరి హీరోయిన్గా నటిస్తున్న చిత్రానికి శేఖర్ చంద్ర స్వరాలు సమకూరుస్తున్నారు. హీరో కిరణ్ పుట్టినరోజు సందర్భంగా సినిమాలోని ఫస్ట్లుక్ను గురువారం సాయంత్రం 4.02 గంటలకు విడుదల చేయనున్నారు.
'సమ్మతమే' ఫస్ట్లుక్ రిలీజ్ పోస్టర్
ఇదీ చూడండి..ఏక్ బార్ ఏక్ బార్.. ఈ బార్బీబొమ్మకి సీటీమార్
