అభిమానులు ఎప్పుడు ఎప్పుడా అని ఎదురుచూసిన తరుణం వచ్చేసింది. మెగాస్టార్ చిరంజీవి నటించిన సైరా: నరసింహారెడ్డి చిత్ర ట్రైలర్ విడుదలైంది. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితం ఆధారంగా తెరకెక్కిన ఈ సినిమా అక్టోబరు 2న ప్రేక్షకుల ముందుకు రానుంది.
అద్భుతమైన పోరాటాలు, విజువల్స్తో ప్రచార చిత్రం ఆకట్టుకుంటోంది. చిరు తన నటనతో విశ్వరూపం చూపించినట్లు తెలుస్తోంది. భారత్ మాతా కీ జై అంటూ ప్రారంభమైన ట్రైలర్ ఆధ్యంతం ఉత్కంఠ గొలుపుతోంది. చివరి కోరిక ఏంటని బ్రిటీష్ అధికారి అడిగినపుడు 'గెట్ ఔట్ ఫ్రమ్ మై మదర్ ల్యాండ్' అంటూ మెగాస్టార్ చెప్పిన సంభాషణతో ప్రచారచిత్రం ముగిసింది.