బాలీవుడ్ హీరో సుశాంత్సింగ్ రాజ్పుత్ హఠాన్మరణంతో తన స్వస్థలమైన బిహార్లోని పట్నాలో విషాద ఛాయలు అలుముకున్నాయి. నటుడి మృతి పట్ల అతడి కుటుంబసభ్యులు తీవ్ర ఆవేదన వ్యక్తం చేస్తున్నారు. సుశాంత్ ఆత్మహత్య చేసుకోలేదని.. హత్య జరిగుంటుందని అతని మేనమామ ఆరోపించారు. దీనిపై సీబీఐ ద్వారా విచారణ జరిపించాలని ప్రభుత్వాన్ని కోరారు.
సుశాంత్ మృతిపై సీబీఐ దర్యాప్తుకు డిమాండ్
"ఇది హత్య. ఈ ఘటనపై సీబీఐ దర్యాప్తు చేయించాలని బిహార్ యువ సంఘం, రాజ్పుత్ మహాసభ డిమాండ్ చేస్తున్నాయి. ఈ హత్యోదంతంపై దర్యాప్తు చేయించాలని కేంద్ర హోంశాఖ మంత్రి అమిత్ షా, ప్రధాని మోదీని మేము డిమాండ్ చేస్తున్నాం. ఇటీవలే సుశాంత్ మేనేజర్ దిశా శాలిన్ ఆత్మహత్య చేసుకున్న కేసులో పోలీసులు సుశాంత్పై తీవ్ర ఒత్తిడి తెచ్చారు".
- ఆర్.సి. సింగ్, సుశాంత్సింగ్ రాజ్పుత్ మేనమామ