Sharukh Khan pathan movie release date: అభిమానులు ఎంతో ఆసక్తిగా ఎదురుచూస్తున్న బాలీవుడ్ స్టార్ షారుక్ ఖాన్ 'పఠాన్' సినిమా రిలీజ్ డేట్ ఖరారైంది. 2023 జనవరి 25న థియేటర్లలో కానున్నట్లు ప్రకటించింది చిత్రబృందం. తమిళ, తెలుగు, హిందీ భాషల్లో ప్రేక్షకుల ముందుకు రానున్నట్లు తెలిపింది. భారీ యాక్షన్ అడ్వెంచర్ చిత్రంగా ఈ మూవీని తెరకెక్కిస్తున్నారు సిద్ధార్థ్ ఆనంద్.
Gani Movie Release date: వాయిదా పడుతూ వస్తున్న మెగాహీరో వరుణ్తేజ్ 'గని' కొత్త రిలీజ్ డేట్ ఖరారైపోయింది. ఏప్రిల్ 8న ప్రేక్షకుల ముందుకు రానుంది. మెగాహీరో వరుణ్తేజ్ ఈ సినిమాలో బాక్సర్‌గా కనిపించారు. సయీ మంజ్రేకర్‌ కథానాయిక. కిరణ్‌ కొర్రపాటి దర్శకత్వం వహిస్తున్నారు. అల్లు బాబీ, సిద్ధు ముద్ద సంయుక్తంగా నిర్మిస్తున్నారు. అల్లు అరవింద్‌ సమర్పకులు. జగపతిబాబు, సునీల్‌ శెట్టి, ఉపేంద్ర, నవీన్‌చంద్ర ఇతర కీలక పాత్రల్లో నటించిన ఈ చిత్రానికి తమన్‌ సంగీతమందించారు.
Suriya ET trailer: 'ఆకాశమే హద్దురా', 'జై భీమ్‌' చిత్రాలతో హీరో సూర్య.. ఓటీటీ వేదికగా వరుస విజయాలు అందుకున్నారు. ఇప్పుడు 'ఈటీ'తో వెండితెరపై సందడి చేసేందుకు సిద్ధమయ్యారు. మార్చి 10న ఈ సినిమా రానుంది. ఈ నేపథ్యంలో ట్రైలర్ను విడుదల చేసింది చిత్రబృందం. ఈ ప్రచార చిత్రం ఆద్యంతం ఆకట్టుకుంటోంది. పాండిరాజ్‌ దర్శకత్వం వహించిన ఈ మూవీలో ప్రియాంక మోహన్ హీరోయిన్గా నటించింది.
విడుదల వాయిదా
శివకార్తికేయన్కు 'ఆర్ఆర్ఆర్' టీమ్ థ్యాంక్స్
'రెమో', 'వరుణ్ డాక్టర్‌' వంటి చిత్రాలతో తెలుగువారికీ దగ్గరైన కోలీవుడ్‌ హీరో శివకార్తికేయన్ నటించిన సరికొత్త చిత్రం 'డాన్'. చక్రవర్తి దర్శకత్వం వహించిన ఈ యాక్షన్ కామెడీ డ్రామాను మార్చి 25న విడుదల చేయాలని నిర్ణయించింది. అయితే ప్రపంచవ్యాప్తంగా ఉన్న ప్రేక్షకులందరూ ఎంతో ఆసక్తిగా ఎదురుచూస్తోన్న 'ఆర్ఆర్ఆర్' సినిమా కూడా మార్చి 25న ‘రిలీజ్ కానుంది. దీంతో, 'ఆర్ఆర్ఆర్'ను దృష్టిలో ఉంచుకుని 'డాన్' రిలీజ్ పోస్ట్‌పోన్‌ చేస్తున్నామని శివకార్తికేయన్ తాజాగా ఓ ప్రకటనలో వెల్లడించారు. మే 13న 'డాన్'ను ప్రేక్షకుల ముందుకు తీసుకువస్తామని తెలిపారు. ఈ విషయం తెలుసుకున్న ‘ఆర్ఆర్ఆర్’ టీమ్.. శివకార్తికేయన్కు ధన్యవాదాలు చెబుతూ పోస్ట్ పెట్టింది. "మాపై ఎప్పుడూ ప్రేమాభిమానాలు చూపించే వ్యక్తుల్లో మొట్టమొదట ఉండే శివకార్తికేయన్కు ధన్యవాదాలు" అని ట్వీట్‌ చేసింది.
Viswaksen movie postpone: యువ హీరో విశ్వక్ సేన్ నటించిన 'అశోకవనంలో అర్జున కళ్యాణం' సినిమా రిలీజ్ డేట్ వాయిదా పడింది. సోషల్మీడియాలో ఈ విషయాన్ని తెలియజేసిన చిత్రబృందం.. త్వరలోనే కొత్త విడుదల తేదీని ప్రకటిస్తామని తెలిపింది.
విశ్వక్ సేన్ 'అశోకవనంలో అర్జున కళ్యాణం'
Sarvanand Rashmika Adavallu meeku joharlu: శర్వానంద్, రష్మిక నటించిన 'ఆడవాళ్లు మీకు జోహార్లు' సినిమా నుంచి 'ఓ మై ఆద్యా' సాంగ్ రిలీజ్ అయి ఆకట్టుకుంటోంది. మార్చి 4న థియేటర్లలో ప్రేక్షకుల ముందుకు రానుంది.
ఇదీ చూడండి: బీచ్లో తారల స్టన్నింగ్ లుక్స్!
