Sukumar to Direct Megastar Chiranjeevi: ప్రముఖ నటుడు చిరంజీవిని డైరెక్ట్ చేసే అవకాశం అందుకున్నారు దర్శకుడు సుకుమార్. ఈ విషయాన్ని ఆయన సోషల్‌ మీడియా వేదికగా అభిమానులతో పంచుకున్నారు. "మెగాస్టార్‌ను డైరెక్ట్ చేయాలనే నా కల నిజమైంది. వివరాలు అతి త్వరలోనే తెలియజేస్తా" అంటూ చిరంజీవితో దిగిన ఫొటోని షేర్‌ చేశారు. సుకుమార్ అనూహ్య ప్రకటనతో సినీ అభిమానులు సర్‌ప్రైజ్‌ ఫీలవుతున్నారు. ఓ వాణిజ్య ప్రకటన కోసం ఈ ఇద్దరూ కలిసి పనిచేస్తున్నట్టు సమాచారం. ఇదే కాంబినేషన్‌లో ఓ సినిమా కూడా వచ్చే అవకాశం ఉన్నట్టు ప్రచారం జరుగుతోంది.
ఇటీవల.. 'పుష్ప'తో మంచి విజయం అందుకున్న సుకుమార్ ప్రస్తుతం ఆ సినిమా సీక్వెల్‌ పనుల్లో బిజీగా ఉన్నారు. త్వరలోనే చిత్రీకరణ ప్రారంభంకానుంది. మరోవైపు, యువ నటుడు విజయ్‌ దేవరకొండతో ఓ చిత్రాన్ని ఇప్పటికే ప్రకటించారు. కొరటాల శివ దర్శకత్వంలో చిరంజీవి నటించిన 'ఆచార్య' ఏప్రిల్‌ 29న విడుదల కానుంది. మోహన్‌రాజా దర్శకత్వంలో 'గాడ్‌ ఫాదర్‌', మెహర్‌ రమేశ్‌ దర్శకత్వంలో 'భోళాశంకర్‌' సినిమాలు చేస్తున్నారు. కె. ఎస్‌. రవీంద్ర (బాబీ)తో ఓ చిత్రం ఖరారు చేశారు.
నాని బర్త్డే హోమం..
యువ హీరో నాని నటిస్తున్న కొత్త చిత్రం 'అంటే సుందరానికీ'. ఫిబ్రవరి 24న నాని పుట్టిన రోజు సందర్భంగా.. బుధవారం సాయంత్రం 4.05 గంటలకు 'బర్త్డే హోమం' చేయనున్నట్లు ఓ పోస్టర్ విడుదల చేసింది చిత్రబందం. దీనిపై నాని.. 'ఏంటో' అంటూ ఫన్నీగా స్పందించారు.