టాలీవుడ్ హీరో సుధీర్బాబు.. రాత్రికి రాత్రే తాంత్రిక విద్యలు.. యోగా క్రియలు నేర్చేసినట్లున్నాడు. అందుకే ఇలా గాల్లో ఆసనాలు వేశాడు. అందుకు సంబంధించిన ఫొటోలను ట్విట్టర్లో పంచుకున్నాడు.
ఆధారం లేకుండా గాల్లో హీరో.. షాక్లో నెటిజన్లు
హీరో సుధీర్బాబు.. ఎటువంటి ఆధారం లేకుండా గాల్లో ఆసనాలు వేసి ఆశ్చర్యపరిచాడు. ఆ ఫొటోలను ట్విట్టర్లో పంచుకున్నాడు.
ఆధారం లేకుండా గాల్లో ఆసనాలు వేసిన హీరో
ఈ ఫొటోలు చూస్తే భలే చేశాడనిపిస్తోంది కదా. ఆ ఏముంది... అంతా ఫొటోషాప్ మేజిక్కే కదా అని అనుకుంటే మీరు పొరబడినట్లే. ఎందుకంటే ఇందులో ఎటువంటి మాయ, మంత్రం లేదు. నిజంగా ఎలాంటి ఆధారం లేకుండానే గాల్లో ఆసనాలు వేశాడట ఈ కథానాయకుడు. అలా ఎలా అని మీరు అనుకోవచ్చు. అందుకు జవాబు తన ట్విట్టర్లో చెప్పేశాడు.
గాల్లో ఎగురుతూ రకరకాల ఆసనాలు ప్రయత్నించాడట సుధీర్. ఈ క్రమంలోనే టైమింగ్లో ఈ రెండు ఫొటోలు కెమెరా కంటికి చిక్కాయి. వాటినే ట్విట్టర్లో పంచుకున్నాడు. వీటిపై నెటిజన్లు ఫన్నీగా కామెంట్లు చేస్తున్నారు. ప్రస్తుతం సుధీర్.. 'వి' సినిమాలో నటిస్తున్నాడు. నాని ప్రతినాయకుడి పాత్ర పోషిస్తున్నాడు. మోహన్కృష్ణ ఇంద్రగంటి దర్శకత్వం వహిస్తున్నాడు. ఉగాది కానుకగా మార్చి 25న థియేటర్లలోకి రానుంది.