బాలీవుడ్ సూపర్స్టార్ షారుక్ ఖాన్ ఓ బయోపిక్లో నటించనున్నట్లు సమాచారం. అగ్ర దర్శకుడు సంజయ్ లీలా బన్సాలీ కలల ప్రాజెక్ట్లో ఆయన కథానాయకుడిగా అలరించబోతున్నారని తెలుస్తోంది. ప్రముఖ ఉర్దూ కవి, సాహితీ రచయిత సాహిర్ లుధియాన్వి జీవితం ఆధారంగా ఈ చిత్రం తెరకెక్కబోతోంది.
బాలీవుడ్లో ఎన్నో పాటలతో సంగీత లోకాన్ని మైమరిపించిన లుధియాన్వి కథను సినిమాగా మలచాలని బన్సాలీ కొన్నేళ్లుగా ప్రయత్నిస్తున్నారు. ఆయన జీవితాన్ని తెరకెక్కించడం చాలా పెద్ద బాధ్యతని, అందుకే తొందరపడదలుచుకోవడం లేదని అన్నారు.