'శ్రీదేవీ' కోసం అజిత్​

అమితాబ్​, తాప్సీ ప్రధాన పాత్రలు పోషించిన 'పింక్' చిత్రాన్ని తమిళంలోనూ తెరకెక్కించనున్నారు.​ 'నేర్కొండ పార్వై' పేరుతో రీమేక్​ చేస్తున్న ఈ చిత్రంలో అజిత్​ ప్రధాన పాత్ర పోషిస్తున్నారు. శివరాత్రి పురస్కరించుకుని ఫస్ట్​లుక్​ను విడుదల చేసింది చిత్రబృందం.

పింక్​ రీమేక్​ 'నేర్కొండ పార్వై' తొలి రూపు​ను చిత్రబృందంవిడుదల చేసింది. ఇందులో విద్యా బాలన్​, శ్రద్ధా శ్రీనాథ్​, ఆండ్రియా వంటి ప్రముఖులు కనిపించనున్నారు. హెచ్​. వినోద్​ దర్శకత్వం వహిస్తున్న ఈ సినిమాను బోనీ కపూర్​ నిర్మిస్తున్నారు.

'కోలీవుడ్​ నాకు చాలా ప్రత్యేకమైంది. శ్రీదేవి నటించిన ఇంగ్లీష్​-వింగ్లీష్​ చిత్రంలో అజిత్​ గెస్ట్​ రోల్​లో సందడి చేశారు. ఆయనతో మా బ్యానర్​లో ఓ సినిమా నిర్మించాలనేది నా భార్య కోరిక. ఈ విషయం మా మధ్య చర్చకు వచ్చినపుడు పింక్​లో నటిస్తే బాగుటుందని అజిత్​ సూచించారు. శ్రీదేవి అందుకు ఒప్పుకుంది. ప్రస్తుతం ఆయనతో ఈ చిత్రం నిర్మిస్తుండటం ఆనందంగా ఉంది',
-నిర్మాత, బోనీ కపూర్​.

'నేర్కొండ పార్వై' సినిమాకు యువన్​ సంగీతం అందిస్తున్నారు. ప్రఖ్యాత ఛాయాగ్రాహకుడు నీరవ్​ షా ఈ చిత్రానికి పనిచేస్తున్నాడు.

• లైన్లో మరొకటి:

పింక్​ రీమేక్​ తర్వాత అజిత్​తో మరో చిత్రం తీయనున్నట్లు బోనీ కపూర్​ వెల్లడించారు.

' పింక్​ రీమేక్​ను ఈ ఏడాది ​మే 1న విడుదల చేయనున్నాం. తర్వాత చిత్రాన్ని జూలైలో ప్రారంభించి వచ్చే ఏడాది...ఏప్రిల్​ 10న ప్రేక్షకుల ముందుకు తీసుకురావాలని అనుకుంటున్నాం.

- నిర్మాత, బోనీ కపూర్​.