"చిత్తం శివుని మీద.. భక్తి చెప్పుల మీద.." ఈ సామెత ఊరకనే రాలేదు. దైవదర్శనానికి వెళ్లినపుడు మన చెప్పులు ఎక్కడ పోతాయో అని ఆలోచించడం సాధారణమే. అలా జరగడమూ పరిపాటే. మరి అలాంటి సంఘటన ఓ నటికి ఎదురైతే.
తాజాగా ఇలాంటి సంఘటన ప్రముఖ నటి స్వర భాస్కర్ విష‌యంలోనూ జ‌రిగింది. ఈ విష‌యాన్ని ఆ హీరోయిన్ తన ట్విట్ట‌ర్‌లో వీడియో ద్వారా పంచుకుంది.
గ‌ణేష్ చతుర్ధి వేడుకల్లో భాగంగా స్వర భాస్కర్ రీసెంట్‌గా ముంబయిలోని లాల్‌బాగ్చారాజా దర్శనానికి వెళ్లింది. ఆమె గణేశుని దర్శనం చేసుకుని తిరిగి వచ్చి చూస్తే, తాను వేసుకొచ్చిన చెప్పులు మాయ‌మ‌య్యాయి. చెప్పులు లేకుండానే కారు వ‌ర‌కు న‌డుచుకుంటూ వెళ్ళింది. ఈ విష‌యాన్ని స్వర భాస్కర్ సోష‌ల్ మీడియాలో వీడియో ద్వారా వివ‌రించింది.
ఈ వీడియోపై నెటిజన్లు చాలా ఫన్నీగా కామెంట్లు పెడుతున్నారు. ప్ర‌స్తుతం స్వర భాస్కర్ .. ఫ‌రాజ్ ఆరిఫ్ అన్సారీ రూపొందిస్తున్న 'షీర్ కుర్మా' చిత్రంతో బిజీగా ఉంది. ఇందులో స్వర భాస్క‌ర్‌తో పాటు ష‌బానా అజ్మీ, దివ్య ద‌త్తా ముఖ్య పాత్ర‌లు పోషిస్తున్నారు.
ఇవీ చూడండి.. 'సైరా' ప్రీ రిలీజ్ వేడుక ముఖ్య అతిథులెవరంటే..!