దర్శకురాలిగా స్టార్​ హీరోయిన్​ శ్రుతిహాసన్!

గాయనిగా, నటిగా మెప్పిస్తున్న శ్రుతిహాసన్​ దర్శకురాలిగా మారనున్నారని సమాచారం. ప్రస్తుతం ఆమె ఓ కథ రాస్తున్నారని.. త్వరలోనే దీనిని తెరపైకి తీసుకురానున్నట్లు తెలిసింది.

సంగీతంతో పాటు సాహిత్యాన్ని.. నటనతో పాటు నృత్యాన్ని ఆవాహనం చేసుకున్న హీరోయిన్​ శ్రుతిహాసన్​. తాజాగా ఈ ముద్దుగుమ్మ మరో కొత్త అవతారం ఎత్తనున్నారని సమాచారం. దర్శకురాలిగా మారి తన అదృష్టాన్ని పరీక్షించుకోబోతున్నారట శ్రుతి. ఇందుకోసం కొద్ది నెలలుగా ఆమె ఓ కథ రాస్తున్నారని తెలిసింది. అది పూర్తవ్వగానే తెరపైకి తీసుకొస్తారని ప్రచారం సాగుతోంది. అంతా అనుకున్నట్లు జరిగితే ఆ ఈ ఏడాదే ఈ మూవీ పట్టాలెక్కే అవకాశం ఉంది.

ఇటీవల రవితేజ 'క్రాక్'​ సినిమాతో శ్రుతిహాసన్​ అభిమానులను పలకరించారు. ప్రస్తుతం పవన్​ కల్యాణ్​ 'వకీల్ సాబ్'​, ప్రభాస్​ 'సలార్'​ సినిమాల్లో నటిస్తున్నారు.

ఇదీ చూడండి: ఆ అనుభూతికి ఏదీ సాటిరాదు: శ్రుతిహాసన్​