పర్వదిన వేడుకలో తారాగణం

తమిళనాడులోని  కోయంబత్తూరు ఈషా యోగా కేంద్రంలో మహాశివరాత్రి వేడుకలు వైభవంగా జరిగాయి.  కార్యక్రమంలో రానా, కాజల్ అగర్వాల్​, తమన్నా, అదితీరావ్ హైదరి సందడి చేశారు.

శివరాత్రి పర్వదినం సందర్భంగా సద్గురు జగ్గీ వాసుదేవ్‌ కోయంబత్తూరు ఈషా యోగా కేంద్రంలో వేడుకలు నిర్వహించారు. సోమవారం రాత్రి జరిగిన ఈ ఆధ్యాత్మిక కార్యక్రమంలో టాలీవుడ్​ తారలు కాజల్‌ అగర్వాల్‌, తమన్నా, అదితీరావ్ హైదరిలతో పాటు హీరో రానా పాల్గొన్నారు. మహాశివరాత్రి విశిష్టత గురించి సద్గురు ప్రసంగించారు. అనంతరం జాగరణలో రాత్రంతా వినోద కార్యక్రమాలు నిర్వహించారు.

• వేడుకకు రాష్ట్రపతి రామ్‌నాథ్‌ కోవింద్‌ సైతం హాజరై...కొద్దిసేపు సద్గురుతో మాట్లాడారు. కాజల్‌, ఆమె సోదరి నిషా అగర్వాల్‌‌, తమన్నా, వాసుదేవ్‌తో కలిసి నాట్యం చేశారు. ఈ వీడియోను కాజల్‌ ఇన్‌స్టాలో పోస్ట్‌ చేసింది. ప్రస్తుతం ఇది వైరల్‌ అవుతోంది.