హిందీ భామ శిల్పాశెట్టి దాదాపు 13 ఏళ్ల తర్వాత వెండితెరపై కనువిందు చేయనుంది. 'నికమ్మా' సినిమాతో మరోసారి ప్రేక్షకుల ముందుకు రానుంది. 2007లో 'అప్నే' సినిమాలో చివరిగా నటించిన ఈ అమ్మడు తర్వాత నటనకు విరామం పలికింది.
'నికమ్మా' చిత్రానికి సబీర్ ఖాన్ దర్శకుడు. 'మర్ద్ కో దర్ద్ నహీ హోతా' హీరో అభిమన్యు దశానీ శిల్పాకు జోడీగా నటించనున్నాడు. సోషల్ మీడియా స్టార్ షెర్లీ సెతియా కీలక పాత్ర పోషించనుంది.
" వెండి తెరపై మరోసారి కనిపించేందుకు ఆతృతగా ఉన్నాను. దర్శకుడు సబీర్ ఖాన్తో కలిసి ఈ కొత్త ప్రాజెక్టులో భాగమవడం సంతోషంగా ఉంది. ఇందులో నా పాత్ర చాలా నచ్చింది. ఈ చిత్రంలో అభిమానులు నన్ను కొత్తగా చూస్తారు".
-శిల్పా శెట్టి, హీరోయిన్
గతంలో 'హీరోపంతీ', 'భాగీ' సినిమాలను తెరకెక్కించాడు సబీర్ ఖాన్. 'నికమ్మా' చిత్రాన్ని సోనీ పిక్చర్స్, సబీర్ ఖాన్ ఫిల్మ్ సంయుక్తంగా నిర్మించి... 2020లో విడుదల చేయనున్నారు.
ఇది సంగతి: వైవాహిక బంధానికి దియా గుడ్బై
