బాలీవుడ్‌‍లో తనకంటూ ప్రత్యేకతను సంపాదించుకున్నారు హీరో షాహిద్ కపూర్. 'కబీర్‌ సింగ్‌' చిత్రంతో తన పారితోషికం పెంచేశాడని వార్తలొచ్చాయి. ప్రస్తుతం ఆయన 'జెర్సీ' హిందీ రీమేక్ చిత్రంతో బిజీగా ఉన్నారు. మరోవైపు ప్రముఖ దర్శకనిర్మాత రాకేష్ ఓం ప్రకాష్ మెహ్రా రూపొందించనున్న 'మహాభారతం' చిత్రంలో కర్ణ పాత్రలో షాహిద్ నటించనున్నారని సమాచారం. అయితే ఇది పౌరాణికం అవుతోందా? లేదా ఆధునిక సమకాలిన అంశాలతో ఉంటుందా? అనే దానిపై స్పష్టత రాలేదు.
'మహాభారతం'లో కర్ణుడిగా షాహిద్ కపూర్! - మహాభారతం సినిమా వార్తలు
బాలీవుడ్ ప్రముఖ దర్శకనిర్మాత రాకేష్ ఓం ప్రకాష్ మెహ్రా 'మహాభారతం' చిత్రాన్ని రూపొందించేందుకు సన్నాహాలు చేస్తున్నారు. ఇందులో కర్ణుడి పాత్ర కోసం హీరో షాహిద్ కపూర్ను ఎంపిక చేశారని సమాచారం. అయితే ఈ చిత్రం పౌరాణిక నేపథ్యమా? ఆధునిక సమకాలిన అంశాల సమాహారమా? అనేది తెలియాల్సిఉంది.
'మహాభారతం'లో కర్ణుడిగా షాహిద్ కపూర్!
బాలీవుడ్ వర్గాల ప్రకారం షాహిద్ కపూర్ సూర్యపుత్రుడు కర్ణుడిగా నటిస్తున్నారని తెలుస్తోంది. రాకేష్ ఓం ప్రకాష్ మెహ్రాకు కర్ణుడి జీవితాధారంగా ఓ సినిమా చేయాలని చిరకాల కలగా ఉందట. ప్రస్తుతం చిత్రానికి తాత్కాలికంగా 'కర్ణ' అనే పేరు పెట్టనున్నారని సమాచారం. రోనీ స్ర్కూవాలా సినిమాకు నిర్మాతగా వ్యవహరించనున్నారు. మరోవైపు షాహిద్ కపూర్ 'జెర్సీ' రీమేక్ తర్వాత రాజ్‌ నిడమోరు - డి.కె.కృష్ణల నిర్మించనున్న ఓ వెబ్‌సీరీస్‌లో నటించేందుకు సిద్ధంగా ఉన్నారని బాలీవుడ్ వర్గాలు అంటున్నాయి.
Last Updated : Jan 18, 2021, 8:44 AM IST