'బాహుబలి రాకెట్'​​ హిట్​పై ప్రభాస్​ రియాక్షన్​

'చంద్రయాన్ -2' ప్రయోగం విజయవంతమైనందుకు ఆనందం వ్యక్తం చేశారు సినీ ప్రముఖులు. ఈ ఘనత సాధించడం భారత్​కు గర్వకారణమని ట్వీట్స్ చేశారు.

'చంద్రయాన్-2' విజయవంతమైన సందర్భంగా భారతీయ అంతరిక్ష పరిశోధనా సంస్థ(ఇస్రో)కు పలువురు సినీ ప్రముఖులు శుభాకాంక్షలు తెలిపారు. దర్శకుడు రాజమౌళి, హీరో ప్రభాస్, కథానాయకుడు షారుఖ్ ఖాన్, దర్శక-నిర్మాత కరణ్​ జోహార్​ ట్విట్టర్ వేదికగా శాస్త్రవేత్తలను అభినందించారు.

జీఎస్​ఎల్​వీ మార్క్​- 3ఎం​1 రాకెట్​ను బాహుబలితో పోల్చడం తమ టీమ్ గౌరవంగా భావిస్తున్నామని ఇన్​స్టాలో పోస్ట్ చేశాడు కథానాయకుడు ప్రభాస్​.

"చంద్రయాన్-2 విజయవంతం కావడం భారతీయులు గర్వించదగ్గ విషయం. ఈ రాకెట్​ను బాహుబలితో పోల్చడం మా బాహుబలి చిత్రబృందం గౌరవంగా భావిస్తోంది. ఈ ప్రయోగంతో భారత్ మరింత శక్తిమంతంగా తయారైంది" -ప్రభాస్ ఇన్ స్టా పోస్ట్​

చంద్రయాన్-2 ప్రయోగంపై హీరో ప్రభాస్ పోస్ట్

"ఈ ప్రయోగంతో ఇస్రో చరిత్ర సృష్టించింది. శాస్త్రవేత్తల బృందానికి శుభాకాంక్షలు"-ఎస్. ఎస్. రాజమౌళి, దర్శకుడు

"ఎన్నో గంటలు కలిసికట్టుగా, నమ్మకంగా పనిచేసిన ఇస్రో బృందానికి శుభాకాంక్షలు" -షారుఖ్ ఖాన్, బాలీవుడ్ నటుడు

"ఈ చారిత్రక ఘట్టాన్ని వీక్షించడం మన అదృష్టం. ఈ ప్రాజెక్ట్​ ఇంఛార్జ్​లుగా ఉన్న వనితా, రితూ.. ప్రపంచాన్ని తమ వైపునకు తిప్పుకున్నారు. మహిళల సత్తా ఏంటో చూపించారు. ఇస్రో బృందానికి శుభాకాంక్షలు" - కరణ్​జోహార్​, దర్శకనిర్మాత

దాదాపు 300 టన్నుల బరువున్న ఉపగ్రహంతో ఈ రోజు మధ్యాహ్నం 2 గంటల 43 నిమిషాలకు నింగిలోకి ఎగసింది జీఎస్​ఎల్​వీ మార్క్​-3ఎం1 వాహకనౌక. నెల్లూరులోని శ్రీహరికోట సతీష్ ధావన్ అంతరిక్ష కేంద్రం నుంచి విజయవంతంగా ప్రయోగించింది ఇస్రో.

ఇవీ చదవండి:

• విజయం: చంద్రయాన్​-2 ఆరంభం మాత్రమే..
• చంద్రయాన్​-2: ఇస్రో ఏం చేసినా ప్రత్యేకమే..!